Sonraí

Is é is aidhm don straitéis Eorpach maidir le sonraí ó mhí Feabhra 2020 fíormhargadh aonair le haghaidh sonraí a thógáil, inar féidir le sonraí sreabhadh gan bhac agus go slán ar fud na n-earnálacha agus na mBallstát. 

Is iad an Gníomh um Rialachas Sonraí agus an Gníomh um Shonraí dhá phríomhcholún reachtacha na straitéise. Ina theannta sin, faoin straitéis, déanfaidh an Coimisiún úsáid Spásanna Coiteanna Sonraí Eorpacha a chistiú agus a chur chun cinn i roinnt earnálacha eacnamaíocha straitéiseacha agus réimsí a bhaineann le leas an phobail.

Leis na gníomhaíochtaí sin, cothófar teacht chun cinn éiceachórais nuálaigh shonraíbhunaithe san Aontas ag a mbeidh luach ollmhór eacnamaíoch agus sochaíoch.

Leis an nGníomh um Rialachas Sonraí, méadaítear an mhuinín as sásraí deonacha comhroinnte sonraí. 

Rialaíonn sé eagraíochtaí a thugann soláthar agus éileamh sonraí le chéile, rud a mhéadóidh infhaighteacht sonraí lena n-úsáid agus lena n-athúsáid. Thairis sin, tugann sé cumhacht do shaoránaigh agus do ghnólachtaí níos mó smachta a bheith acu ar a gcuid sonraí. 

Leis an nGníomh um Rialachas Sonraí, cuirtear borradh faoi fhorbairt córas iontaofa comhroinnte sonraí tríd an méid seo a leanas a dhéanamh:

• Feabhas a chur ar athúsáid sonraí ón earnáil phoiblí nach féidir a chur ar fáil mar shonraí oscailte

• A áirithiú go mbeidh soláthraithe seirbhísí idirghabhála sonraí neodrach i gcónaí agus nach ngníomhóidh siad ach mar idirghabhálaithe amháin, gan luach a dhíorthú ó na sonraí malartaithe

• Altrúchas sonraí a éascú chun é a dhéanamh níos éasca agus níos sábháilte do chuideachtaí agus do dhaoine aonair a gcuid sonraí a chur ar fáil go deonach ar mhaithe leis an tsochaí

• Bord Eorpach um Nuálaíocht Sonraí a bhunú chun cuidiú le cur chun feidhme na straitéise Eorpaí maidir le sonraí a chomhordú agus a chomhchuibhiú

Is féidir le rochtain ar shonraí agus athúsáid sonraí tairbhí sóisialta agus eacnamaíocha idir 1 % agus 2.5 % den OTI a ghiniúint. Beidh tionchar níos leithne ag na rialacha nua agus ag na sásraí comhroinnte sonraí ar gheilleagar agus ar shochaí an Aontais ina iomláine.

€5-11 trilliún

Luach agus seirbhísí Idirlíon na Rudaí Nithiúla faoi 2030 ar fud an domhain

€270 billiún

OTI AE-27 a bhfuiltear ag súil leis faoi 2028 a bhuí le rialacha nua maidir le sonraí

€120 billiún

Coigilteas in earnáil sláinte an Aontais in aghaidh na bliana

5-10%

Taispeánann cuideachtaí a infheistíonn i nuálaíocht sonraí-tiomáinte fás táirgiúlachta níos gasta faoi 5-10%

10-20%

Coigilteas in earnálacha an iompair, na bhfoirgneamh agus na tionsclaíochta le hanailísíocht fíor-ama ar shonraí

€1.3 trilliún

táirgiúlacht mhéadaithe sa mhonaraíocht trí shonraí Idirlíon na Rudaí Nithiúla faoi 2027

Sonraí sláinte

Cúram sláinte níos fearr a chur ar fáil, cóireálacha pearsantaithe a fheabhsú, cuidiú le galair neamhchoitianta nó ainsealacha a leigheas

Sonraí soghluaisteachta

Níos mó ná 27 milliún uair an chloig d’am úsáideoirí iompair phoiblí a shábháil agus suas le €20 billiún in aghaidh na bliana i gcostais saothair tiománaithe gluaisteán a bhuí le loingseoireacht fíor-ama

Sonraí comhshaoil

An t-athrú aeráide a chomhrac, astaíochtaí CO2 a laghdú agus éigeandálaí a chomhrac, amhail tuilte agus falscaithe

Sonraí talmhaíochta

Feirmeoireacht bheacht, táirgí nua san earnáil agraibhia nó seirbhísí nua i gceantair thuaithe a fhorbairt

Sonraí riaracháin phoiblí

Staidreamh oifigiúil níos fearr agus níos iontaofa a sholáthar, ag cur le cinntí bunaithe ar fhianaise

Cuirfidh Spásanna Coiteanna Sonraí Eorpacha níos mó sonraí ar fáil le haghaidh rochtana agus athúsáide. Déanfar é sin i dtimpeallacht iontaofa shlán ar mhaithe le gnólachtaí agus saoránaigh na hEorpa.

Is é atá mar bhonn agus mar thaca ag na spásanna sonraí Eorpacha uile bonneagair sonraí choiteanna aguscreataí rialachais coiteanna, lena n-éascaítear comhthiomsú sonraí, rochtain ar shonraí agus comhroinnt sonraí.