Is féidir le soláthraithe seirbhísí cumarsáide idirphearsanta a chinneadh go deonach anois cé acu a ghearrfar nó nach ngearrfar na praghsanna miondíola céanna ar thomhaltóirí ar chumarsáid laistigh den Aontas agus a ghearrtar ar chumarsáid intíre. Sainítear sa ghníomh cur chun feidhme na coinníollacha teicniúla le haghaidh na dtaraifí deonacha chomh maith le bearta frithchalaoise le haghaidh cumarsáid laistigh den Aontas.
Mar choimirce, cuirtear beartas maidir le húsáid chóir chun feidhme do sholáthraithe a fhéadfaidh muirear a ghearradh ar chumarsáid laistigh den Aontas a sháraíonn gnáthúsáid cumarsáide idirphearsanta, mar a shainmhínítear sa ghníomh cur chun feidhme. Sa chás sin, ní bheidh siad faoi réir na n-uasteorainneacha praghais rialáilte.
Is é an beartas deonach seo an chéad chéim sa phróiseas i dtreo deireadh a chur de réir a chéile le difríochtaí i bpraghsanna miondíola tomhaltóirí idir cumarsáid intíre agus cumarsáid laistigh den Aontas.
Is féidir leat an gníomh cur chun feidhme iomlán a íoslódáil thíos.