Fánaíocht — Rialachán nua molta ag an gCoimisiún chun a chinntiú go leanfaidh taistealaithe de chuid an Aontais de thairbhe a bhaint as fánaíocht saor in aisce

A bhuí leis an Rialachán Fánaíochta, tháinig deireadh le táillí fánaíochta an 15 Meitheamh 2017 agus is féidir le hEorpaigh atá ag taisteal laistigh de thíortha an Aontais Fánaíocht ar Tháillí Baile agus praghsanna baile a íoc as glaonna fánaíochta, SMS agus sonraí. Ós rud é go bhfuil an Rialachán Fánaíochta atá ann faoi láthair i bhfeidhm go dtí an 30 Meitheamh 2022, tá athbhreithniú déanta ag an gCoimisiún ar an gcóras chun síneadh a chur leis tar éis an dáta sin agus chun sochair do shaoránaigh an Aontais a fheabhsú. Tá Rialachán Fánaíochta nua á mholadh ag an gCoimisiún arb é is aidhm dó síneadh 10 mbliana a chur leis na rialacha agus na tairbhí a bhaineann leis do na saoránaigh a fheabhsú.