Cumasaíonn idir-inoibritheacht comhtháthú níos doimhne agus níos rianúla táirgí tríú páirtí le héiceachóras Apple. Dá bhrí sin, tá an idir-inoibritheacht ríthábhachtach chun deiseanna nua a chur ar fáil do thríú páirtithe chun táirgí agus seirbhísí nuálacha a fhorbairt ar ardáin gheatóra Apple. Mar thoradh air sin, beidh rogha níos leithne táirgí ar fáil do thomhaltóirí san Eoraip atá comhoiriúnach lena bhfeistí Apple.
Tá an Coimisiún ag cabhrú le Apple maidir lena chomhlíonadh trí mhionsonrú a dhéanamh ar na bearta is gá chun idir-inoibritheacht le iOS a chumasú le haghaidh gléasanna nasctha tríú páirtí agus trí chuíchóiriú a dhéanamh ar an bpróiseas a chuir Apple i bhfeidhm chun iarrataí amach anseo ar idir-inoibritheacht le feistí iPhone agus iPad a láimhseáil.