Tacóidh an socrú le hobair mhaoirseachta an Choimisiúin agus Ofcom i dtreo ardáin ar líne, DSA an Aontais agus Acht um Shábháilteacht ar Líne na Ríochta Aontaithe faoi seach. Is iad na réimsí leasa choitinn cosaint mionaoiseach ar líne, teicneolaíochtaí deartha atá oiriúnach ó thaobh aoise de, trédhearcacht na n-ardán ar líne, measúnuithe riosca agus tionchar na n-algartam ar rioscaí sistéamacha don tsochaí.
Déanfar an comhar trí idirphlé le saineolaithe teicniúla, trí oiliúint chomhpháirteach a chur ar an bhfoireann theicniúil, trí dhea-chleachtais a chomhroinnt, trí staidéir chomhpháirteacha agus trí thionscadail taighde chomhordaithe. Tá comhar éifeachtach gníomhach le comhpháirtithe idirnáisiúnta ríthábhachtach chun timpeallacht shlán iontaofa ar líne a mhúnlú.
Faoi DSA, tá an Coimisiún freagrach as maoirseacht agus forfheidhmiú na bhforálacha a bhfuil feidhm acu maidir le hardáin agus innill chuardaigh an-mhór ar líne ainmnithe. Ó tháinig an Gníomh um Sheirbhísí Digiteacha i bhfeidhm go ginearálta, tá gníomhaíocht déanta ag an gCoimisiún cheana féin chun a áirithiú go gcruthófar timpeallacht níos sábháilte ar líne leis an nGníomh um Sheirbhísí Digiteacha: trí thrédhearcacht nach bhfacthas a leithéid riamh roimhe seo a thabhairt isteach, lena n-áirítear os cionn 16 bhilliún ráiteas ar chúiseanna i mbunachar sonraí poiblí, trí phróis chuí a thairiscint do chinntí modhnóireachta ábhair ardán, trí rochtain ar shonraí poiblí ardán a thairiscint do thaighdeoirí, agus trí imeachtaí a thionscnamh i gcás ina bhfuil amhras air go bhféadfadh na hardáin sin oibleagáidí struchtúracha DSA a shárú.