Ag an gcéad chruinniú, tabharfar le chéile ionadaithe ó chomhlachtaí agus líonraí éagsúla Eorpacha chun saincheisteanna leasa choitinn maidir le cur chun feidhme DMA a phlé.
Le linn an chéad chruinnithe sin, táthar ag súil go bpléifidh an Grúpa Ardleibhéil roinnt ábhar a bhaineann le cur i bhfeidhm agus forfheidhmiú DMA, lena n-áirítear staid a chur chun feidhme, forbairtí i réimsí saineolais chomhaltaí an Ghrúpa atá ábhartha maidir le forfheidhmiú DMA, agus torthaí na sraithe ceardlann DMA a d’eagraigh an Coimisiún le sé mhí anuas maidir le hábhair amhail féintosaíocht, idir- inoibritheacht, siopaí aipeanna, agus oibleagáidí a bhaineann le sonraí.
Tugann an Grúpa Ardleibhéil 30 ionadaí le chéile a ainmníodh ó Chomhlacht na Rialálaithe Eorpacha um Chumarsáid Leictreonach (BEREC), ón Maoirseoir Eorpach ar Chosaint Sonraí (MECS) agus ón mBord Eorpach um Chosaint Sonraí (EDPB), ón nGréasán Eorpach Iomaíochta (ECN), ón Líonra um Chomhar ar mhaithe le Cosaint Tomhaltóirí (Líonra CPC), agus ó Ghrúpa Rialála Eorpach Rialtóirí na Meán Closamhairc (ERGA). Tá sainordú dhá bhliain ag an nGrúpa, a bunaíodh i mí an Mhárta 2023, agus tiocfaidh sé le chéile uair sa bhliain ar a laghad.
Féadfaidh an Grúpa Ardleibhéil comhairle agus saineolas a sholáthar don Choimisiún chun a áirithiú go ndéanfar DMA agus rialacháin earnála eile is infheidhme maidir le geatóirí a chur chun feidhme ar bhealach comhleanúnach agus comhlántach. D’fhéadfadh sé saineolas a chur ar fáil freisin in imscrúduithe margaidh ar sheirbhísí agus ar chleachtais atá ag teacht chun cinn, chun a áirithiú go mbeidh an Ionstraim um Margaí Digiteacha slán i bhfad na haimsire. Tháinig an Ionstraim um Margaí Digiteacha i bhfeidhm an 1 Samhain 2022 agus thosaigh sé ag cur i bhfeidhm an 2 Bealtaine 2023.