iStock GettyImages - 1333245117 © Andrey Suslov
Cruthófar monarchana IS timpeall ar líonra sár-ríomhairí Ríomhaireachta Ardfheidhmíochta (HPC) den chéad scoth san Aontas agus beidh siad ar fáil do réimse úsáideoirí Eorpacha, amhail gnólachtaí nuathionscanta, tionscal agus taighdeoirí.
Seo mar a labhair Ursula von der Leyen, Uachtarán an Choimisiúin:
‘Tá an Eoraip ar thús cadhnaíochta cheana féin le Gníomh an Aontais um an Intleacht Shaorga, rud a chinntíonn go bhfuil an intleacht shaorga níos sábháilte agus níos iontaofa. Níos luaithe i mbliana, chomhlíonamar ár ngealltanas trínár ríomhairí ardfheidhmíochta a oscailt do ghnólachtaí nuathionscanta IS san Eoraip. Anois, ní mór don Eoraip a bheith ina ceannaire domhanda i nuálaíocht IS. Cuideoidh Monarchana IS linn ár seasamh a dhaingniú ar thús cadhnaíochta sa teicneolaíocht chlaochlaitheach seo.’
Tabharfaidh Monarchana IS na príomh-chomhábhair le chéile chun go n-éireoidh leis an intleacht shaorga: cumhacht ríomhaireachta, sonraí agus tallann. Cuideoidh siad le forbróirí intleachta saorga oiliúint a chur ar a samhlacha móra giniúnacha intleachta saorga trí úsáid a bhaint as sár-ríomhairí EuroHPC agus trí rochtain ar shonraí, ar ríomhaireacht agus ar sheirbhísí stórála a chur ar fáil. Déanfar na Monarchana a líonrú ar fud na hEorpa, rud a sholáthróidh creat uathúil comhoibríoch Eorpach um an intleacht shaorga.
Léigh an phreaseisiúint iomlán.
Tuilleadh eolais: