Aithníonn na Ballstáit shínithe an tábhacht straitéiseach a bhaineann le teicneolaíochtaí candamacha d’iomaíochas eolaíoch agus tionsclaíoch an Aontais agus geallann siad go gcomhoibreoidh siad maidir le héiceachóras teicneolaíochta candamaí den chéad scoth a fhorbairt ar fud na hEorpa, agus é mar aidhm dheiridh acu ‘gleann chandamach’ an domhain, an réigiún ceannródaíoch ar fud an domhain maidir le barr feabhais agus nuálaíocht chandamach a dhéanamh den Eoraip.
Go dtí seo, tá trí Bhallstát is fiche tar éis an Dearbhú a shíniú: An Bheilg, an Bhulgáir, an Chróit, an Chipir, Poblacht na Seice, an Danmhairg, an Eastóin, an Fhionlainn, an Fhrainc, an Ghearmáin, an Ghréig, an Ungáir, an Iodáil, an Laitvia, Lucsamburg, an Ísiltír, an Pholainn, an Phortaingéil, an Rómáin, an Spáinn, an tSlóvaic, an tSlóivéin agus an tSualainn.