l-Istati Membri firmatarji jirrikonoxxu l-importanza strateġika tat-teknoloġiji kwantistiċi għall-kompetittività xjentifika u industrijali tal-UE u jimpenjaw ruħhom li jikkollaboraw dwar l-iżvilupp ta’ ekosistema tat-teknoloġija kwantistika ta’ klassi dinjija madwar l-Ewropa, bl-għan aħħari li l-Ewropa ssir “il-wied tal-quantum” tad-dinja, ir-reġjun ewlieni globalment għall-eċċellenza u l-innovazzjoni tal-quantum.
Sal-lum, tlieta u għoxrin Stat Membru ffirmaw id-Dikjarazzjoni: Il-Belġju, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Italja, il-Latvja, il-Lussemburgu, in-Netherlands, il-Polonja, il-Portugall, ir-Rumanija, Spanja, is-Slovakkja, is-Slovenja u l-Iżvezja.