iStock photo Getty images plus
Seo mar a labhair Ursula von der Leyen, Uachtarán an Choimisiúin Eorpaigh:
Tá an intleacht shaorga ag athrú ár saol laethúil cheana féin. Agus níl anseo ach an tús. Tá an intleacht shaorga in úsáid go críonna agus go forleathan, agus tá buntáistí móra ag baint leis don gheilleagar agus don tsochaí. Dá bhrí sin, is díol mór sásaimh dom comhaontú polaitiúil an lae inniu ó Pharlaimint na hEorpa agus ón gComhairle maidir leis an nGníomh um an Intleacht Shaorga. Is é Gníomh um an Intleacht Shaorga an chéad chreat dlíthiúil cuimsitheach riamh maidir leis an Intleacht Shaorga ar fud an domhain. Mar sin, is ócáid stairiúil é seo. Leis an nGníomh um an Intleacht Shaorga, déantar luachanna Eorpacha a thrasuí go ré nua. Trí rialáil a dhíriú ar rioscaí inaitheanta, cothóidh comhaontú an lae inniu nuálaíocht fhreagrach san Eoraip. Trí shábháilteacht agus cearta bunúsacha daoine agus gnólachtaí a ráthú, tacóidh sé le forbairt, imlonnú agus glacadh IS iontaofa san Aontas. Cuirfidh ár nGníomh um an Intleacht Shaorga go mór le rialacha agus prionsabail dhomhanda a fhorbairt le haghaidh IS duinelárnach.