iStock photo Getty images plus
Foilsíodh an chéad leagan de na rialacha a mbeidh feidhm acu maidir le soláthraithe sonraí agus úsáideoirí, chomh maith leis na nósanna imeachta oibríochtúla don ardán freisin.
Is é is aidhm don Tionscnamh bonneagar cónasctha Eorpach d’íomhánna ailse a sholáthar chun tacú le soláthraithe cúraim sláinte, institiúidí taighde agus nuálaithe an úsáid is fearr a bhaint as réitigh nuálacha shonraíbhunaithe le haghaidh diagnóisic, cóireáil ailse agus cúram, ar mhaithe le hothair ailse.
Seo mar a labhair Thierry Breton, an Coimisinéir um an Margadh Inmheánach:
Le seoladh ardán Ailse Íomhá na hEorpa, tá leas á bhaint againn as cumhacht na sonraí sa chomhrac i gcoinne na hailse. Tá an bealach á réiteach againn i dtreo bonneagar trasteorann, idir-inoibritheach agus slán le haghaidh sonraí íomháithe ailse san Eoraip, i gcomhréir le luachanna agus rialacha an Aontais. Cuirfidh sé sin borradh faoi fhorbairt teicneolaíochtaí nua atá dírithe ar an intleacht shaorga le haghaidh cúram ailse níos fearr.
Seo mar a labhair Stella Kyriakides, an Coimisinéir um Shláinte agus Sábháilteacht Bia:
Cuirfidh teicneolaíochtaí digiteacha athrú ó bhonn ar chúram sláinte, go háirithe maidir le brath, cóireáil agus cúram ailse. Mar chuid de Phlean Sáraithe Ailse na hEorpa, beidh an Tionscnamh Eorpach um Íomháú Ailse ríthábhachtach chun luathbhrath trí scagthástáil a dhéanamh níos cruinne, níos tráthúla agus níos inrochtana agus chun cabhrú linn an chéad ghlúin eile de dhiagnóisic agus de chóireálacha ailse a fhorbairt.
I gcomhréir leis an Straitéis Eorpach maidir le Sonraí agus leis an Spás Eorpach Sonraí Sláinte, tá an Tionscnamh Eorpach um Íomháú Ailse a seoladh i mí na Nollag 2022 ar cheann de thionscnaimh shuaitheanta Phlean Sáraithe Ailse na hEorpa. Faigheann an t-ardán Ailse Íomhá na hEorpa atá faoin Tionscnamh tacaíocht EUR 18 milliún ón gClár don Eoraip Dhigiteach. Tacóidh na Moil Nuálaíochta Digití Eorpacha faoin gClár don Eoraip Dhigiteach le feidhmiú céimneach na dteicneolaíochtaí atá ábhartha maidir leis sin.
Sa chéad leagan den bhonneagar digiteach sin, arna sheachadadh ag tionscadal Chónaidhm na hEorpa um Íomháí Ailse (EUCAIM), tá catalóg phoiblí de thacair sonraí íomháithe ailse ó stórtha tionscadal arna maoiniú ag an Aontas a bhaineann leis an Intleacht Shaorga le haghaidh Íomháú Sláinte, chomh maith le huirlis chuardaigh chun an fhaisnéis atá ar fáil ar shuíomhanna na soláthraithe sonraí ar fud an Aontais a thuiscint.
- Tuilleadh sonraí faoin bhfógra seo
- An Tionscnamh Eorpach um Íomháú Ailse
- Ardán Ailse Íomhá na hEorpa