Áirítear leis sin sainmhíniú ar an gcóras intleachta saorga, litearthacht intleachta saorga, chomh maith le líon an-teoranta cásanna úsáide toirmiscthe intleachta saorga a leagtar amach sa Ghníomh um an Intleacht Shaorga a bhfuil rioscaí do-ghlactha ag baint leo san Aontas.
Chun an nuálaíocht san intleacht shaorga a éascú, foilseoidh an Coimisiún treoirlínte maidir le sainiú an chórais intleachta saorga. Is é is aidhm dó sin cuidiú leis an tionscal a chinneadh an córas intleachta saorga é córas bogearraí.
Ina theannta sin, eiseoidh an Coimisiún stór beo de chleachtais litearthachta intleachta saorga a bhaileofar ó sholáthraithe agus ó imscarthóirí na gcóras intleachta saorga. Spreagfaidh sé sin foghlaim agus malartú eatarthu agus cinnteoidh sé ag an am céanna go bhforbróidh úsáideoirí na scileanna agus an tuiscint is gá chun teicneolaíochtaí IS a úsáid go héifeachtach.
Chun cuidiú lena chinntiú go gcomhlíonfar an Gníomh um an Intleacht Shaorga, foilseoidh an Coimisiún treoirlínte maidir leis na cleachtais intleachta saorga toirmiscthe a bhfuil rioscaí do-ghlactha ag baint leo do shábháilteacht agus do chearta bunúsacha na saoránach.
Míneofar sna treoirlínte sin na coincheapa dlíthiúla agus cuirfear cásanna úsáide praiticiúla ar fáil, bunaithe ar ionchur ó pháirtithe leasmhara. Níl siad ceangailteach agus déanfar iad a nuashonrú de réir mar is gá. Tá roinnt tionscnamh seolta ag an gCoimisiún chun an nuálaíocht san intleacht shaorga a chur chun cinn, ón bpacáiste nuálaíochta intleachta saorga lena dtacaítear le gnólachtaí nuathionscanta agus FBManna go dtí na Monarchana intleachta saorga atá ar na bacáin lena soláthrófar rochtain ar an gcumhacht ríomhaireachta ollmhór a theastaíonn ó ghnólachtaí nuathionscanta, ón tionscal agus ó thaighdeoirí chun a samhlacha agus a gcórais intleachta saorga a fhorbairt.
Tuilleadh eolais agus an Gníomh um an Intleacht Shaorga.