Cinntíonn rialacha nua cibearshlándála an Aontais go mbeidh táirgí crua-earraí agus bogearraí níos sláine ann

An chéad reachtaíocht uile-Aontais dá leithéid riamh, tugtar isteach leis ceanglais chibearshlándála éigeantacha le haghaidh táirgí a bhfuil gnéithe digiteacha acu, le linn a saolré ar fad.

Leis an nGníomh, a d’fhógair an tUachtarán Ursula von der Leyen i mí Mheán Fómhair 2021 le linn a haitheasc ar Staid an Aontais Eorpaigh, agus ag tógáil ar Straitéis Chibearshlándála an Aontais 2020 agus ar Straitéis 2020 an Aontais Slándála, áiritheofar go mbeidh táirgí digiteacha, amhail táirgí agus bogearraí gan sreang agus le sreang, níos sláine do thomhaltóirí ar fud an Aontais: chomh maith le freagracht monaróirí a mhéadú trí oibleagáid a chur orthu tacaíocht slándála agus nuashonruithe bogearraí a chur ar fáil chun aghaidh a thabhairt ar leochaileachtaí sainaitheanta, cuirfidh sé ar chumas tomhaltóirí faisnéis leordhóthanach a bheith acu faoi chibearshlándáil na dtáirgí a cheannaíonn siad agus a úsáideann siad.

Seo mar a labhair Thierry Breton, an Coimisinéir um an Margadh Inmheánach:

Maidir leis an gcibearshlándáil, níl an Eoraip chomh láidir céanna leis an nasc is laige atá aici: bíodh sé ina Bhallstát leochaileach, nó ina tháirge neamhshábháilte feadh an tslabhra soláthair. Ríomhairí, fóin, fearais tí, gléasanna fíorúla cúnaimh, gluaisteáin, bréagáin... gach ceann de na céadta milliún táirge nasctha seo, is pointe iontrála féideartha iad do chibirionsaí. Agus fós féin, sa lá atá inniu ann, níl an chuid is mó de na táirgí crua-earraí agus bogearraí faoi réir aon oibleagáidí cibearshlándála. Trí chibearshlándáil a thabhairt isteach trí dhearadh, cabhróidh an Gníomh um Chibear-athléimneacht chun geilleagar na hEorpa agus ár slándáil chomhchoiteann a chosaint.

Léigh an preasráiteas iomlán.