An Deacáid Dhigiteach — Tionscadail ilnáisiúnta

Ba cheart do thionscadail ilnáisiúnta infheistíochtaí a chomhthiomsú ó acmhainní cistiúcháin an Aontais, lena n-áirítear ón tSaoráid Téarnaimh agus Athléimneachta, agus ó acmhainní náisiúnta. Féadfaidh eintitis phoiblí agus phríobháideacha eile infheistíocht a dhéanamh sna tionscadail i gcás inarb iomchuí. 

Ba cheart tionscadail ilnáisiúnta a chur chun feidhme ar bhealach comhordaithe, i ndlúthchomhar idir an Coimisiún agus na Ballstáit. 

SanIarscríbhinn a ghabhann leis angCinneadh maidir le Clár Beartais 2030 don Deacáid Dhigiteach, shainaithin an Coimisiún liosta tosaigh de réimsí le haghaidh tionscadail ilnáisiúnta agus féadfaidh sé an liosta a thabhairt cothrom le dáta, más gá, bunaithe ar an bhfaireachán bliantúil ar dhul chun cinn:

• Bonneagar Sonraí Coiteann Eorpach agus Seirbhísí Sonraí Coiteanna Eorpacha
• An chéad ghlúin eile de phróiseálaithe ísealchumhachta iontaofa a thabhairt don Aontas
• Conairí 5G Uile-Eorpacha a imscaradh
• Sár-ríomhairí agus ríomhairí candamacha a fháil
• Bonneagair chumarsáide chandamacha shárshlána agus spásbhunaithe a fhorbairt agus a imscaradh
• Líonra Lárionad Oibríochtaí Slándála a chur in úsáid
• Moil Nuálaíochta Digití Eorpacha
• Comhpháirtíochtaí ardteicneolaíochta le haghaidh scileanna digiteacha agus oideachas speisialaithe
• Bonneagar Eorpach um Sheirbhísí Blocshlabhra

Ba cheart é a bheith d’aidhm ag tionscadail ilnáisiúnta ceann amháin nó níos mó de na spriocanna sonracha seo a leanas a bhaint amach:

(a) feabhas a chur ar an gcomhar idir an tAontas agus na Ballstáit agus idir na Ballstáit maidir leis na cuspóirí ginearálta a ghnóthú;

(b) barr feabhais teicneolaíochta, ceannaireacht, nuálaíocht agus iomaíochas tionsclaíoch an Aontais a threisiú i dteicneolaíochtaí criticiúla, comhcheangail teicneolaíochta chomhlántacha, agus táirgí digiteacha, bonneagar digiteach agus seirbhísí digiteacha atá fíor-riachtanach le haghaidh téarnamh agus fás eacnamaíoch agus le haghaidh slándáil agus sábháilteacht daoine aonair;

(c) aghaidh a thabhairt ar leochaileachtaí straitéiseacha agus ar spleáchais straitéiseacha an Aontais feadh na slabhraí soláthair digiteacha chun a n-athléimneacht a fheabhsú;

(d) infhaighteacht réiteach digiteach sábháilte a mhéadú, agus an úsáid is fearr is féidir a bhaint astu a chur chun cinn, i réimsí a bhaineann le leas an phobail agus san earnáil phríobháideach agus prionsabail na neodrachta teicneolaíche á n-urramú ag an am céanna;

(e) rannchuidiú le claochlú digiteach cuimsitheach agus inbhuanaithe an gheilleagair agus na sochaí a rachaidh chun tairbhe na saoránach agus na ngnólachtaí uile, go háirithe FBManna, ar fud an Aontais;

(f) scileanna digiteacha do shaoránaigh a chur chun cinn trí oideachas, oiliúint agus foghlaim ar feadh an tsaoil, agus béim á leagan ar rannpháirtíocht atá cothrom ó thaobh inscne de a chothú san oideachas agus i ndeiseanna gairme.

Cuidíonn an Coimisiún leis na Ballstáit tionscadail ilnáisiúnta a shainaithint, a chur ar bun agus a chur chun feidhme. Chun tionscadal ilnáisiúnta a chur ar bun i gcás nach bhfuil aon ionstraim dlí eile ann, tugadh isteach leis an gclár beartais don Deacáid Dhigiteach struchtúr dlíthiúil nua, anCuibhreannas don Bhonneagar Digiteach Eorpach (EDIC), rud a chabhraíonn le dlús a chur le bunú agus cur chun feidhme tionscadail ilnáisiúnta ar leith agus leis an gcur chun feidhme sin a shimpliú. 

Gach bliain, foilsíonn an Coimisiún tuarascáil ar staid na himeartha maidir leis an Deacáid Dhigiteach agus ar dhul chun cinn na dtionscadal ilnáisiúnta. 

Léigh nuashonrú 2004 ar Thionscadail Iltíre (.pdf)