L-edizzjoni ta’ din is-sena se ssir f’format ibridu nhar il-Ħamis, 27 ta’ Ottubru 2022 bit-tema "Deċennju Diġitali għat-tfal u ż-żgħażagħ: Il-BIK + biex jipproteġi, jagħti s-setgħa u r-rispett!”
L-avveniment se joffri pjattaforma għal diskussjoni għal dawk li jfasslu l-politika, ir-riċerkaturi, il-korpi tal-infurzar tal-liġi, iż-żgħażagħ, il-ġenituri u l-persuni li jindukraw, l-għalliema, il-NGOs, ir-rappreżentanti tal-industrija, l-esperti u atturi rilevanti oħra.
Wara t-tnedija reċenti tal-istrateġija l-ġdida tal-BIK +, l-edizzjoni ta’ din is-sena se tipprovdi opportunità biex l-istrateġija tiġi diskussa fid-dettall, filwaqt li jiġu identifikati l-objettivi ewlenin u l-azzjonijiet prijoritarji tagħha.
Minħabba l-enfasi ewlenija tal-istrateġija fuq il-parteċipazzjoni u l-awtonomizzazzjoni taż-żgħażagħ u biex tiġi mmarkata wkoll is-Sena Ewropea taż-Żgħażagħ, l-avveniment se jkun immexxi miż-żgħażagħ, biż-żgħażagħ ikollhom rwol attiv fl-ippjanar, it-tħejjija u t-twettiq tal-Forum.
Jekk int interessat li toħloq internet aktar sikur u aħjar għat-tfal u ż-żgħażagħ, ibbukkja s-sit virtwali bla ħlas tiegħek!
Sfond
Il-Forum għal Internet Aktar Sikur (SIF) 2022 huwa organizzat mill-European Schoolnet f’isem il-Kummissjoni Ewropea fil-qafas tal-inizjattiva tal-KE għal Internet Aħjar għat-Tfal (BIK), b’finanzjament ipprovdut mill-Faċilità Nikkollegaw l-Ewropa (CEF). Fil-futur, l-azzjonijiet se jiġu ffinanzjati permezz tal-Programm Ewropa Diġitali (DIGITAL)