L-għan tal-avveniment se jkun li jħares lejn l-isfidi u l-opportunitajiet speċifiċi tad-diġitalizzazzjoni fi bliet iżgħar u ta’ daqs medju. Filwaqt li niffukaw b’mod partikolari fuq il-kunċett tal-interoperabbiltà bħala mezz biex jitħaffef il-forniment tas-servizzi diġitali u jinħolqu effetti konsegwenzjali pożittivi għall-ekonomija usa’, ser niddiskutu l-passi ewlenin li għandhom jittieħdu minn bliet jew komunitajiet żgħar u ta’ daqs medju fil-vjaġġ tagħhom ta’ diġitalizzazzjoni u l-għodod disponibbli tal-UE.
Matul is-sessjoni ta’ ħidma, abbażi tal-moviment Living-in.EU u l-esperjenza tal-Eurocities, il-parteċipanti ser jiddiskutu xi tfisser it-tranżizzjoni diġitali f’kuntest lokali, x’inhuma l-isfidi lokali fl-implimentazzjoni ta’ soluzzjonijiet diġitali u x’inhu meħtieġ fil-livell tal-UE sabiex titrawwem il-lokalizzazzjoni tal-proċess ta’ trasformazzjoni diġitali.
L-istruttura interattiva, inkluż il-qsim f’sessjonijiet/kmamar break-out paralleli, se tippermetti lill-parteċipanti jiddiskutu aspetti partikolari tat-trasformazzjoni diġitali fil-livell lokali fid-dettall, jiġifieri:
- Sfidi lokali fl-implimentazzjoni ta’ soluzzjonijiet diġitali
- Għodod tal-UE għall-appoġġ tat-tranżizzjoni diġitali
- Ħtiġijiet fil-livell tal-UE biex titrawwem il-lokalizzazzjoni tal-proċess ta’ trasformazzjoni diġitali
- Tingħata spinta lill-ekosistema diġitali lokali, pereżempju permezz tal-Hubs ta’ Innovazzjoni Diġitali Ewropej
- Il-kejl tal-effettività tat-tranżizzjoni diġitali.