Illum, il-kopresidenti tal-Kunsill tal-Kummerċ u t-Teknoloġija (TTC) bejn l-UE u l-Indja, il-Viċi President Eżekuttiv Valdis Dombrovskis u l-Viċi President Věra Jourová, kellhom sejħa ta’ rendikont mal-kontropartijiet Indjani tagħhom — il-Ministru għall-Affarijiet Esterni Subrahmanyam Jaishankar, il-Ministru għall-Ferroviji, il-Komunikazzjonijiet, l-Elettronika u t-Teknoloġija tal-Informazzjoni Ashwini Vaishnaw u l-Ministru tal-Kummerċ Piyush Goyal biex jiżnu l-ħidma li saret s’issa taħt it-TTC UE-Indja, u jwittu t-triq għal-laqgħa Ministerjali li jmiss.
Huma laqgħu l-ftehim bejn l-UE u l-Indja dwar Memorandum ta’ Qbil dwar is-semikondutturi. Dan ġie ffirmat minn Thierry Breton, il-Kummissarju għas-Suq Intern, u Ashwini Vaishnaw, Ministru tal-Ferroviji, il-Komunikazzjonijiet, l-Elettronika u t-Teknoloġija tal-Informazzjoni tal-Gvern tal-Indja. Dan il-ftehim jistabbilixxi kif l-UE u l-Indja se jikkooperaw biex jibnu ktajjen tal-provvista tas-semikondutturi robusti u jaħdmu flimkien fuq l-innovazzjoni.
Stqarrija għall-istampa kompluta
