Ir-rapporti tad-DESI tal-2021 jippreżentaw data mill-2020 fil-biċċa l-kbira, li tipprovdi għarfien dwar l-iżviluppi ewlenin fl-ekonomija u s-soċjetà diġitali matul l-ewwel sena tal-pandemija tal-COVID-19.
Il-Viċi President Eżekuttiv, Margrethe Vestager, qalet:
Il-messaġġ tal-Indiċi ta’ din is-sena huwa pożittiv, il-pajjiżi kollha tal-UE għamlu xi progress biex isiru aktar diġitali u aktar kompetittivi, iżda jista’ jsir aktar. Għalhekk qed naħdmu mal-Istati Membri biex niżguraw li jsiru investimenti ewlenin permezz tal-Faċilità għall-Irkupru u r-Reżiljenza biex inġibu l-aħjar opportunitajiet diġitali liċ-ċittadini u lin-negozji kollha.
Il-Kummissarju għas-Suq Intern, Thierry Breton, żied:
Illum qed nagħtu rendikont ta’ fejn ninsabu f’termini tal-kompetittività diġitali tal-Ewropa fi triqitna biex nilħqu l-miri tagħna għall-2030. Huwa ċar li filwaqt li qed naraw progress, huma meħtieġa sforzi sostnuti biex jintlaħqu l-miri fid-Deċennju Diġitali.
Ara l-istqarrija għall-istampa sħiħa
Mistoqsijiet u tweġibiet dwar l-Indiċi tal-Ekonomija u s-Soċjetà Diġitali 2021
Ara r-rapporti tad-DESI tal-2021