Se jkun kopresedut mill-Viċi President Eżekuttiv tal-Kummissjoni Ewropea Margrethe Vestager, il-Viċi President Eżekuttiv tal-Kummissjoni Ewropea Valdis Dombrovskis, is-Segretarju tal-Istat tal-Istati Uniti Antony Blinken, is-Segretarju tal-Kummerċ tal-Istati Uniti Gina Raimondo, u r-Rappreżentant għall-Kummerċ tal-Istati Uniti Katherine Tai, flimkien mal-Kummissarju Ewropew Thierry Breton, u ospitati mill-Presidenza Żvediża tal-Kunsill tal-Unjoni Ewropea.
It-TTC huwa forum transatlantiku fejn iż-żewġ naħat jikkoordinaw l-approċċi u jindirizzaw kwistjonijiet kummerċjali u teknoloġiċi ewlenin. Ir-raba’ laqgħa ministerjali ser tiffoka fuq suġġetti bħall-intelliġenza artifiċjali, it-teknoloġiji emerġenti, il-pjattaformi online, il-kummerċ sostenibbli, il-kontrolli tal-esportazzjoni u l-iskrinjar tal-investiment kif ukoll il-faċilitazzjoni tal-kummerċ.
Fil-marġini tal-laqgħa, ir-rappreżentanti tal-UE u tal-Istati Uniti se jipparteċipaw f’diskussjonijiet mal-partijiet ikkonċernati ewlenin li jirrappreżentaw l-industrija, l-akkademja, u s-soċjetà ċivili biex jiddiskutu oqsma ta’ prijorità ewlenin bejn l-UE u l-Istati Uniti. Il-Kunsill tal-Kummerċ u t-Teknoloġija u t-triq’ il quddiem għall-ħidma tiegħu.
L-Unjoni Ewropea u l-Istati Uniti nedew il-Kunsill tal-Kummerċ u t-Teknoloġija (KKT) bejn l-UE u l-Istati Uniti fis-summit tagħhom fi Brussell fil-15 ta’ Ġunju 2021. Il-laqgħa inawgurali tat-TTC saret f’Pittsburgh fid-29 ta’ Settembru 2021. Dan kien segwit mit-tieni summit f’Pariġi fis-16 ta’ Mejju 2022 u t-tielet summit f’College Park, Maryland, f’Diċembru 2022.