L-app Levebee, b’kontenut diġà disponibbli bl-Ingliż, bl-Ispanjol, bil-Ġermaniż, bil-Pollakk, biċ-Ċek u bis-Slovakk, ġiet aġġornata biex tinkludi lill-Ukren fi żmien rekord ta’ 3-il ġimgħa. L-app għandha l-għan li tgħin lit-tfal żgħar b’matematika u lingwi.
Il-kontenut ta’ Levebee jinkludi:
- Il-matematika bażika għat-tfal żgħar
- Il-Pollakk, iċ-Ċek u s-Slovakk bħala t-tieni lingwa
- L-Ingliż, il-Ġermaniż u l-Ispanjol bħala lingwa barranija
L-iżvilupp tal-app Levebee sar possibbli bl-għajnuna ta’ programmi ta’ Inkubatur u Aċċelleratur ta’ Impatt EdTech iffinanzjat mill-UE, li jgħin lill-intrapriżi żgħar u ta’ daqs medju (SMEs) u lin-negozji ġodda biex imorru mill-konċepiment għal prodotti lesti għas-suq fi ħdan is-settur tal-edukazzjoni diġitali.