Din l-ewwel edizzjoni ntemmet il-Ġimgħa 17ta’ Ġunju wara jumejn ta’ kompetizzjoni intensiva u bla waqfien bejn it-timijiet biex jegħlbu l-isfidi taċ-ċibersigurtà ta’ din is-sena. It-tim li rnexxielu jsolvi l-biċċa l-kbira tal-isfidi u r-rebbieħ tal-QKI 2022 huwa t-Tim Ewropa, segwit mit-Tim Asja fit-tieni post u t-Tim tal-Istati Uniti tal-Amerka fit-tielet post.
Il-Kummissjoni tifraħ lil Tim Ewropa — ir-rebbieħa tal-QKI 2022 — u t-timijiet reġjonali kollha għall-parteċipazzjoni attiva u l-involviment tagħhom.
Il-Viċi President tal-Kummissjoni Ewropea Margaritis Schinas ta l-premju lit-tim rebbieħ, fejn stqarr:
Id-dinja teħtieġ aktar professjonisti taċ-ċibersigurtà. Is-soċjetà tagħna teħtieġ aktar nies bil-ħiliet ta’ sigurtà t-tajba biex tipproteġi d-demokraziji tagħna, il-valuri tagħna, id-dinja interkonnessa tagħna. Għalhekk illum nilħqu din l-isfida ta’ nuqqas ta’ ħiliet taċ-ċibersigurtà bi sfida oħra, il-kompetizzjoni Internazzjonali tal-Isfida taċ-Ċibersigurtà. Din il-kompetizzjoni hija opportunità kbira biex titqajjem kuxjenza dwar il-ħtieġa għal aktar esperti taċ-ċibersigurtà fil-qasam. Huwa eżempju ta’ kif billi naħdmu flimkien nistgħu nindirizzaw id-diskrepanza fil-ħiliet taċ-ċibersigurtà u nġibu liż-żgħażagħ tagħna fuq quddiem nett biex insibu soluzzjonijiet li jipproteġuna mit-theddid dejjem akbar tal-lum.
Il-kompetizzjoni saret f’Ateni, il-Greċja.
Klassifikazzjoni sħiħa tas-seba’ timijiet reġjonali u aktar dettalji dwar il-kompetizzjoni