Tar éis don Uachtarán von der Leyen agus don Phríomh-Aire Lee Comhpháirtíocht Dhigiteach nua a fhógairt idir an tAontas agus Singeapór ag cruinniú mullaigh AE-ASEAN i mí na Nollag 2022, shínigh an Coimisinéir um an Margadh Inmheánach Thierry Breton agus Aire Tionscail agus Trádála Shingeapór S Iswaran Comhpháirtíocht Dhigiteach a neartóidh an comhar idir an tAontas agus Singeapór maidir le réimsí na teicneolaíochta digití. Shínigh an Leas-Uachtarán Feidhmiúcháin Dombrovskis agus an tAire Iswaran Prionsabail um Thrádáil Dhigiteach freisin. Ceann de phríomhspriocanna insoláthartha na Comhpháirtíochta Digití, féachann na Prionsabail le saorshreabhadh earraí agus seirbhísí sa gheilleagar digiteach a éascú, agus an príobháideachas á chaomhnú ag an am céanna.