© Alicja Nowakowska GettyImages
Ar fáil ar an Lárionad Trédhearcachta, léirítear sna tuarascálacha na bearta atá curtha chun feidhme cheana féin ag sínitheoirí nó a bhfuil sé beartaithe acu iad a ghlacadh ar aghaidh agus le linn na dtoghchán Eorpach, chomh maith le coimircí a bhaineann leis na rioscaí a bhaineann le IS giniúnach.
Seo mar a labhair Věra Jourová, an Leas-Uachtarán um Luachanna agus um Thrédhearcacht:
Is uirlis lúfar é an Cód, ina dtagann an réimse iomlán gníomhaithe, lena n-áirítear ardáin, an tsochaí shibhialta, an tionscal fógraíochta, etc. le chéile chun oibriú ar na bearta is fearr is féidir chun an bhréagaisnéis a chomhrac agus chun rioscaí cúblála faisnéise a laghdú. Agus na bearta atá á ndéanamh acu á leagan amach ag na hardáin, molaim dóibh dlús a chur lena n-iarrachtaí chun a bheith ullamh agus freagairt go tapa ar ionramháil eachtrach faisnéise agus bagairtí bréagaisnéise le linn toghcháin.
Seo mar a labhair Thierry Breton, an Coimisinéir um an Margadh Inmheánach:
Agus saoránaigh na hEorpa ag caitheamh vóta go luath ar son Pharlaimint na hEorpa nua, ní mór d’ardáin gach uirlis atá ar fáil dóibh a úsáid, ó mhodhnú ábhair go lipéadú domhainbhrionnuithe, chun timpeallacht faisnéise atá saor agus cothrom a chinntiú. Leis na treoirlínte toghcháin DSA atá á gcur i láthair againn inniu, sonraímid a bhfuil súil againn leo chun gníomhaíocht nithiúil a dhéanamh de na hoibleagáidí sin. Ní bhaineann sé seo le comhlíonadh amháin; baineann sé le bunchlocha ár ndaonlathas féin a chosaint.
Sna tuarascálacha sin, cuireann ardáin a mbearta ar fáil chun sláine na dtoghchán a chosaint, amhail ceangal a chur ar fhógróirí nó ar chruthaitheoirí lipéad a chur go soiléir ar aon uair a chruthaítear nó a athraítear íomhá, físeán nó fuaim go digiteach, comhoibriú le heagraíochtaí seiceála fíricí, faisnéis ardcháilíochta agus údarásach a chur chun cinn do vótálaithe, agus litearthacht sna meáin agus feachtais réamhbhréagnaithe spriocdhírithe a fhorbairt. Foilsíodh na chéad tuarascálacha i mí Feabhra 2023 agus i mí Mheán Fómhair 2023. Táthar ag súil leis an gcéad tacar eile i bhfómhar 2024.
Tá sé beartaithe ag an gCoimisiún an nós imeachta a sheoladh go pras maidir leis an gCód Cleachtais a aithint mar Chód Iompair faoin Ionstraim um Sheirbhísí Digiteacha. Ina theannta sin, ghlac an Coimisiún na chéad treoirlínte DSA riamh maidir le toghcháin d’ ardáin an-mhór ar líne agus d’innill chuardaigh an-mhór ar líne.
Tuilleadh eolais faoin gCód Cleachtais maidir le Bréagaisnéis