Sa dara tuarascáil ar Staid na Deacáide Digití, iarrtar go ndéanfaí gníomhaíocht chomhchoiteann neartaithe chun claochlú digiteach an Aontais a chur chun cinn

D’fhoilsigh an Coimisiún an dara tuarascáil maidir le Staid na Deacáide Digití, ina dtugtar forléargas cuimsitheach ar an dul chun cinn a rinneadh chun na cuspóirí agus na spriocanna digiteacha a leagtar síos do 2030 leis an gClár Beartais don Deacáid Dhigiteach (DDPP) a bhaint amach.

Second report on the State of the Digital Decade calls for strengthened collective action to propel the EU's digital transformation

I mbliana, den chéad uair riamh, tá anailís ag gabháil leis an tuarascáil ar natreochláir straitéiseacha náisiúnta maidir leis an Deacáid Dhigiteach arna gcur i láthair ag na Ballstáit, ina sonraítear na bearta náisiúnta, na gníomhaíochtaí agus an cistiú atá beartaithe chun cur le claochlú digiteach an Aontais.

Léiríonn anailís an Choimisiúin, sa chás reatha, nach n-éireoidh le hiarrachtaí comhchoiteanna na mBallstát leibhéal uaillmhéine an Aontais a bhaint amach. Áirítear ar na bearnaí a sainaithníodh an gá atá le hinfheistíochtaí breise, ar leibhéal an Aontais agus ar an leibhéal náisiúnta araon, go háirithe i réimsí na scileanna digiteacha, na nascachta ardcháilíochta, ghlacadh na hIntleachta Saorga (IS) agus na hanailísíochta sonraí ag fiontair, an táirgthe leathsheoltóirí agus na n-éiceachóras nuathionscanta.

Tá ról tábhachtach ag an Aontas agus ag na Ballstáit araon maidir leis an gcreat dlíthiúil nua a fhorfheidhmiú, gníomhaíocht a dhéanamh chun scaipeadh teicneolaíochtaí digiteacha a chothú agus a áirithiú go mbeidh scileanna digiteacha leordhóthanacha ag a shaoránaigh chun tairbhe iomlán a bhaint as an gclaochlú digiteach. Sin é an fáth gur glao í tuarascáil na bliana seo ar ghníomhaíocht neartaithe do na Ballstáit a bheith níos uaillmhianaí, ós rud é go bhfuil sé ríthábhachtach spriocanna na Deacáide Digití maidir le bonneagar digiteach, gnólachtaí, scileanna agus seirbhísí poiblí a bhaint amach do rathúnas eacnamaíoch agus comhtháthú sochaíoch an Aontais amach anseo.

Sa chomhthéacs sin, thug an Coimisiún moltaí tírshonracha agus trasearnálacha cothrom le dáta freisin do gach Ballstát den Aontas chun aghaidh a thabhairt ar na bearnaí a sainaithníodh.

Léigh an phreaseisiúint iomlán.

Sa dara tuarascáil ar Staid na Deacáide Digití, iarrtar go ndéanfaí gníomhaíocht chomhchoiteann neartaithe chun claochlú digiteach an Aontais a chur chun cinn

Faigh tuilleadh eolais

Last update