iStock Getty Images Plus
Seo mar a labhair an Leas-Uachtarán um Luachanna agus um Thrédhearcacht, Vera Jourova:
“Níos mó ná riamh, léirigh an phaindéim ról lárnach na n-iriseoirí chun sinn a chur ar an eolas, ach gur gá iad a chosaint freisin. Is cúis imní dom go bhfuil méadú ag teacht ar bhagairtí agus ar ionsaithe i gcoinne iriseoirí, ag díriú go háirithe ar mhná. Cuirfimid moltaí faoi bhráid na mBallstát maidir le sábháilteacht iriseoirí faoi dheireadh na bliana, mar chuid dár gcur chuige foriomlán chun tacú leis na meáin agus leis an daonlathas" (teachtaireacht físeáin iomlán).
Rannchuideoidh an Leas-Uachtarán Jourova freisin leis an imeacht “Mná Breaking the News”.
Dúirt Thierry Breton, an Coimisinéir um an Margadh Inmheánach:
“Inniu, meabhraítear dúinn arís an iliomad dúshlán atá roimh na meáin, dúshláin ar cuireadh dlús leo de bharr ghéarchéim COVID-19. Táimid meáite ar earnáil meán athléimneach, saor agus neamhspleách a neartú agus a chosaint. Tá sé mar thosaíocht agam a áirithiú go mbainfidh iriseoirí tairbhe as an leibhéal is airde cosanta nuair a dhéanann siad a gcuid oibre fíor-riachtanach, cibé acu ar líne nó as líne”.
Inné, d’eisigh an tArdionadaí/Leas-Uachtarán Josep Borrell dearbhú thar ceann an AontaisEorpaigh.
I mí na Nollag seo caite chuir an Coimisiún i láthair den chéad uair cur chuige cuimsitheach Eorpach do na meáin ag tógáil ar an bPlean Gníomhaíochta um an Daonlathas Eorpach agus ar an bPlean Gníomhaíochta Meán agus Closamhairc. Mar a fógraíodh, cuirfidh an Coimisiún moladh ar aghaidh maidir le sábháilteacht iriseoirí níos déanaí i mbliana, tá aiseolas fós ar fáil anseo.
Ina theannta sin, tá an Coimisiún ag obair ar thionscnamh chun dlíthíocht mhí-úsáideach i gcoinne iriseoirí agus cosantóirí ceart a chomhrac. Is treochlár é an Plean Gníomhaíochta Meán agus Closamhairc chun tacú le téarnamh agus claochlú earnáil na meán agus an chlosamhairc le linn na géarchéime reatha agus ina dhiaidh sin. Tá iolrachas na meán ar cheann de phríomhghnéithe na Tuarascála bliantúla ar an Smacht Reachta agus, sa chomhthéacs sin, leanann an Coimisiún d’fhaireachán a dhéanamh ar an staid i mBallstáit uile AE. Den chéad uair, beidh cistiú tiomnaithe EUR 75 mhilliún ar a laghad ag an gCoimisiún chun tacú le hiolrachas na meán, iriseoireacht agus litearthacht sna meáin faoin gclár Eoraip na Cruthaitheachta. Faoi láthair, tá ocht dtionscadal déag á maoiniú ag an gCoimisiún a bhaineann le saoirse agus iolrachas na meán, lena n-áirítear sábháilteacht iriseoirí agus bagairtí ar shaoirse na meán, le beagnach EUR 20 milliún.