Ir-rapporti tal-Awtorità Regolatorja Nazzjonali (NRA) jiġu pprovduti kull sena lill-Kummissjoni u lill-Korp ta’ Regolaturi Ewropej tal-Komunikazzjonijiet Elettroniċi (BEREC). Il-ħames sett ta’ rapporti jkopri l-perjodu ta’ żmien mill-1 ta’ Mejju 2020 sat-30 ta’ April 2021.
Dawn ir-rapporti se jservu bħala bażi għar-Rapport tal-BEREC dwar l-implimentazzjoni tar-regoli tal-internet miftuħ mistennija sa tmiem is-sena. Skont ir-regoli tal-UE dwar l-internet miftuħ (l-Artikolu 5 tar-Regolament (UE) 2015/2120), il-NRAs għandhom jimmonitorjaw mill-qrib u jiżguraw il-konformità mad-dispożizzjonijiet dwar l-internet miftuħ. Il-NRAs huma mitluba jippubblikaw rapporti annwali u jaqsmuhom mal-Kummissjoni u mal-BEREC.