Id-Djalogu Diġitali bejn l-UE u l-Brażil għandu l-għan li jisfrutta l-potenzjal tat-teknoloġiji diġitali biex jippromwovi trasformazzjoni diġitali inklużiva, tkabbir sostenibbli u innovazzjoni. Id-Djalogu Diġitali huwa l-pedament tas-sħubija strateġika bejn l-UE u l-Brażil stabbilita fl-2007, li trawwem kooperazzjoni aktar profonda f’firxa wiesgħa ta’ kwistjonijiet politiċi, ekonomiċi u soċjali.
Fl-okkażjoni tat-13-il Djalogu Diġitali, l-UE u l-Brażil ivvalutaw il-progress li sar f’oqsma ewlenin ta’ kooperazzjoni identifikati bħala prijoritajiet fid-Djalogu tal-2024. Dawn jinkludu r-regolamentazzjoni tal-intelliġenza artifiċjali, is-sikurezza online, il-konnettività diġitali inklużi l-5G u s-6G, is-servizzi pubbliċi diġitali, u l-ekonomija tad-data.
Barra minn hekk, iż-żewġ sħab approvaw pjan ta’ ħidma konġunt li se jiggwida l-kollaborazzjoni tagħhom matul is-sentejn li ġejjin. Id-djalogu Diġitali kien kopresedut minn Renate Nikolay, Deputat Direttur Ġenerali għan-Networks tal-Komunikazzjonijiet, il-Kontenut u t-Teknoloġija fil-Kummissjoni Ewropea, u l-Ambaxxatur Laudemar Goçalves de Aguiar Neto, Segretarju għall-Promozzjoni tal-Kummerċ, ix-Xjenza, it-Teknoloġija, l-Innovazzjoni u l-Kultura tal-Brażil.
L-Unjoni Ewropea u l-Brażil ħarġu komunikat konġunt.
Sib aktar informazzjoni dwar ir-relazzjonijiet internazzjonali fil-qasam diġitali.