Illum il-Kummissjoni adottat proposta biex tinkorpora r-roaming fil-Ftehim ta’ Assoċjazzjoni bejn l-UE u l-Moldova. Ladarba jitlestew il-passi kollha meħtieġa, il-viżitaturi tal-Moldova fl-UE se jkunu jistgħu jużaw il-mowbajls tagħhom bl-istess kundizzjonijiet tal-prezz daqslikieku kienu fil-Moldova, filwaqt li l-vjaġġaturi mill-UE se jibbenefikaw mill-istess drittijiet meta jżuru l-Moldova.
Li l-Moldova tiddaħħal fiż-żona tal-UE “uża r-roaming daqslikieku f’pajjiżek” hija waħda mill-azzjonijiet ewlenin tal-Pjan ta’ Azzjoni ta’ Prijorità UE-Moldova, maqbul f’Ġunju 2023. Dan il-pjan huwa pjan direzzjonali għall-implimentazzjoni sħiħa taż-Żona ta’ Kummerċ Ħieles Approfondita u Komprensiva (DCFTA) bejn l-UE u l-Moldova u l-integrazzjoni ulterjuri tal-Moldova fis-Suq Uniku tal-UE.
Stqarrija għall-istampa kompluta
Aktar dwar ir-roaming
