Bl-għan li jissaħħu l-kwantità, il-kwalità u l-impatt ta’ tali rappurtar, f’kemm jista’ jkun lingwi u pajjiżi tal-UE u b’mod partikolari fejn din l-offerta hija skarsa, din is-sejħa tinqasam f’żewġ suġġetti. EUR 8 miljun huma disponibbli għall-mezzi tax-xandir li jissottomettu proposti għall-produzzjoni u x-xandir ta’ programmi u rapporti dwar affarijiet tal-UE. EUR 3 miljun oħra huma disponibbli għal proposti għal servizzi tal-aħbarijiet f’lingwi b’kopertura limitata tal-affarijiet tal-UE (inkluż servizz tal-aħbarijiet internazzjonali bl-Ungeriż) u/jew fejn id-diversità tal-kontenut tal-aħbarijiet tal-UE tista’ titjieb).
Il-kontendenti jistgħu japplikaw għal suġġett wieħed jew għaż-żewġ suġġetti. Il-Kummissjoni se tagħżel proposta waħda għal kull suġġett. Id-data tal-għeluq għall-applikazzjonijiet hija l-24 ta’ Mejju 2024. Il-ftehimiet ta’ għotja huma mistennija li jiġu ffirmati f’Settembru, biex il-proġetti jibdew minn Ottubru 2024.
Aktar informazzjoni dwar din is-sejħa
Din is-sejħa għall-proposti hija partimill-Azzjonijiet Multimedjali, li jiffinanzjaw l-informazzjoni ġenerali tal-UE, l-aħbarijiet u l-programmi għall-pubbliku minn perspettiva Ewropea. Din il-linja ta’ finanzjament — b’total ta’ EUR 20.7 miljun fl-2024 — hija kompletament miftuħa għall-kompetizzjoni.