Adobe Stock
Taħt il-presidenza Indjana tal-G20, matul il-laqgħa ministerjali ġew diskussi tliet oqsma ewlenin: Infrastruttura Pubblika Diġitali għall-inklużjoni u l-innovazzjoni diġitali; il-bini ta’ ekonomija diġitali sikura, sigura u reżiljenti; u t-taħriġ tal-ħiliet diġitali għall-bini ta’ forza tax-xogħol globali lesta għall-futur. Roberto Viola, Direttur Ġenerali tan-Netwerks tal-Komunikazzjonijiet, il-Kontenut u t-Teknoloġija tal-Kummissjoni Ewropea rrappreżenta lill-Unjoni Ewropea.
Il-membri tal-G20 qablu dwar dikjarazzjoni konġuntali tenfasizza li l-Infrastruttura Pubblika Diġitali (DPI) għandha tkun sigura u interoperabbli u trawwem l-inklużjoni, l-innovazzjoni u l-kompetizzjoni b’mod affidabbli filwaqt li tirrispetta d-drittijiet tal-bniedem u l-libertajiet fundamentali. Infrastruttura Pubblika Diġitali affidabbli fix-xena globali għandha ġġib amministrazzjoni pubblika aktar effiċjenti u inklużiva għas-servizz taċ-ċittadini.
Il-kooperazzjoni dwar id-DPI fil-G20 se tibni fuq il-kooperazzjoni bejn l-UE u l-Indja bħala parti mill-Kunsilltal-Kummerċ u t-Teknoloġija bejn l-UEu l-Indja.
Il-laqgħa ministerjali ser tikkontribwixxigħas-Summit tal-Mexxejja tal-G20 skedat li jsir fi New Delhi fid-9–10 ta’ Settembru 2023.