L-ekosistema tar-Realtà Virtwali u Awmentata (VR/AR) tinkludi għadd kbir ta’ intrapriżi żgħar u ta’ daqs medju u ftit atturi tas-suq kbar biss. Id-daqs tas-suq tal-VR/AR tal-UE kien stmat għal EUR 7.1 biljun fl-2021, b’rata ta’ tkabbir ta’ 26 % mis-sena preċedenti. Dan it-tkabbir huwa mistenni li jkompli matul is-snin li ġejjin bejn wieħed u ieħor għal madwar 37 % matul l-2021–2026.
Il-Koalizzjoni Industrijali VR/AR għandha objettiv ġenerali li tinforma lil dawk li jfasslu l-politika dwar il-potenzjal tal-VR/AR, tħeġġeġ l-investiment fl-ekosistema Ewropea tal-VR/AR, tiffaċilita d-djalogu fost il-partijiet ikkonċernati tagħha, u tindirizza l-isfidi attwali filwaqt li tingrana l-opportunitajiet għall-Ewropa. Il-Koalizzjoni Industrijali VR/AR se tikkontribwixxi għal dan l-objettiv billi tappoġġa l-potenzjal tas-settur madwar l-Istati Membri u billi tagħti spinta lis-soluzzjonijiet fil-livell Ewropew.