Comhairliúchán poiblí maidir le sraith de Phrionsabail Dhigiteacha Eorpacha

Leag an Coimisiún amach a fhís maidir le claochlú digiteach na hEorpa faoi 2030 sa Teachtaireacht uaidh dar teideal Digital Compass: an bealach Eorpach do na Deich mBliana Digiteacha”, agus mhol sé sraith prionsabal digiteach a thiomsú. Clúdaíonn sé seo réimsí ar nós

• rochtain ar sheirbhísí idirlín
• an t-oideachas digiteach agus na scileanna is gá chun gur féidir le daoine páirt ghníomhach a ghlacadh sa tsochaí agus i bpróisis dhaonlathacha
• seirbhísí poiblí digiteacha daonlárnacha agus riarachán poiblí digiteach daonlárnach
• seirbhísí sláinte digiteacha
• timpeallacht shlán iontaofa ar líne
• córais dhigiteacha agus gléasanna digiteacha lena n-urramaítear an comhshaol
• cosaint agus cumhachtú leanaí agus daoine óga sa spás ar líne
• prionsabail eiticiúla le haghaidh algartaim duinelárnach

Comhlánóidh na prionsabail sin na cearta atá ann cheana a chosnaíonn agus a chumhachtaíonn Eorpaigh ar líne cheana féin amhail cosaint a sonraí pearsanta agus a bpríobháideachais, an tsaoirse chun tuairimí a nochtadh, an tsaoirse chun gnó a bhunú agus a sheoladh ar líne nó cosaint a gcruthaithe intleachtúla.

Iarrtar ar rannpháirtithe an chomhairliúcháin phoiblí freisin foirmlí malartacha a mholadh nó prionsabail eile a d’fhéadfadh a bheith ann a ullmhú.

Beidh an comhairliúchán ar oscailt ón 12 Bealtaine go dtí an 2 Meán Fómhair 2021 agus tá sé ar fáil i ngach teanga oifigiúil de chuid an Aontais.

Ní bhreithneofarfreagraí a gheofar tar éis an dáta deiridh. Moltar freagraí níos luaithe.

Freagra a thabhairt ar líne

Agus túag freagairt ar líne, is féidir sos a chur ort ag am ar bith agus leanúint ar aghaidh níos déanaí. Is féidir leat cóip de d’aighneacht a íoslódáil tar éis duit í a sheoladh.

D’fhoilsighan Coimisiún treochlár maidir leis an tionscnamh seo freisinan 12 Bealtaine, atá ar fáil le haghaidh aiseolais go dtí an 9 Meitheamh 2021.