Il-Kummissjoni stabbiliet il-viżjoni tagħha għat-trasformazzjoni diġitali tal-Ewropa sal-2030 fil-Komunikazzjoni tagħha “Il-Kumpass Diġitali: l-approċċ Ewropew għad-Deċennju Diġitali” u pproponiet li tfassal għadd ta’ prinċipji diġitali. Dan ikopri oqsma bħal
- aċċess għas-servizzi tal-internet
- l-edukazzjoni u l-ħiliet diġitali meħtieġa għan-nies biex jieħdu sehem attiv fis-soċjetà u fil-proċessi demokratiċi
- servizzi u amministrazzjoni pubbliċi diġitali ċċentrati fuq il-bniedem
- servizzi tas-saħħa diġitali
- ambjent online sigur u affidabbli
- sistemi u apparati diġitali li jirrispettaw l-ambjent
- il-protezzjoni u t-tisħiħ tal-pożizzjoni tat-tfal u ż-żgħażagħ fl-ispazju online
- prinċipji etiċi għal algoritmi bil-bniedem fiċ-ċentru tagħhom
Dawn il-prinċipji se jikkomplementaw id-drittijiet eżistenti li diġà jipproteġu u jsaħħu l-Ewropej online, bħal pereżempju l-protezzjoni tad-data personali u l-privatezza tagħhom, il-libertà ta’ espressjoni, il-libertà li jistabbilixxu u jmexxu negozju online jew il-protezzjoni tal-kreazzjonijiet intellettwali tagħhom.
Il-parteċipanti għall-konsultazzjoni pubblika huma mistiedna wkoll jipproponu formulazzjonijiet alternattivi jew jelaboraw fuq prinċipji possibbli oħra.
Il-konsultazzjoni hija miftuħa mit-12 ta’ Mejju sat-2 ta’ Settembru 2021 u hija disponibbli bil-lingwi kollha tal-UE.
It-tweġibiet li jaslu wara d-data tal-għeluq mhumiex se jiġu kkunsidrati. Ir-reazzjonijiet preċedenti huma mħeġġa.
Wieġeb online
Meta twieġeb onlinetista’ tieqaf fi kwalunkwe ħin u tkompli aktar tard. Tista’ tniżżel kopja tal-kontribuzzjoni tiegħek ladarba tkun bgħattha.
Il-Kummissjonippubblikat ukollpjan direzzjonali dwar din l-inizjattiva fit-12 ta’ Mejju, li huwa disponibbli għall-feedback sad-9 ta’ Ġunju 2021.
Related content
Press release | 23 Novembru 2021
The Commission has published the results of the public consultation on a set of digital principles.
Consultation results | 23 Novembru 2021
The results are in for the public consultation on digital principles, which ran between 12 May and 6 September 2021.