Treoir agus Rialachán Marrakech
Tugann Conradh Marrakech deis do dhaoine faoi mhíchumas clóite rochtain a fháil ar níos mó leabhar agus ábhar clóite eile i bhformáidí atá inrochtana dóibh. Tháinig an Treoir agus an Rialachán maidir le cur chun feidhme Chonradh Marrakech i ndlí an Aontais i bhfeidhm in 2018 ar mhaithe le daoine dalla, daoine lagamhairc nó daoine atá faoi mhíchumas léitheoireachta cló ar aon bhealach eile. Ceanglaítear ar an gCoimisiún meastóireacht a dhéanamh ar an Treoir agus ar an Rialachán. Cuirfear na freagraí ar an gcomhairliúchán spriocdhírithe san áireamh sa mheastóireacht atá ar siúl faoi láthair, meastóireacht a bhfuil staidéar seachtrach mar thaca léi.
Molann an Coimisiún do gheallsealbhóirí sonraí cáilíochtúla agus, i gcás inar féidir, sonraí cainníochtúla a chur ar fáil don mheastóireacht
Cé atá in ann páirt a ghlacadh ann?
- Tairbhithe na heisceachta cóipchirt a tugadh isteach faoi Threoir Marrakech, go háirithe daoine faoi mhíchumas agus a n-ionadaithe, daoine scothaosta agus a n-ionadaithe
- Sealbhóirí cirt, go háirithe údair/taibheoirí agus a n-ionadaithe, foilsitheoirí/léiritheoirí agus a n-ionadaithe
- Eintitis údaraithe (De réir Airteagal 1(4) de Threoir “Marrakech”, is eintiteas é seo atá údaraithe nó aitheanta ag Ballstát chun oideachas, oiliúint teagaisc, léitheoireacht oiriúnaitheach nó rochtain ar fhaisnéis a sholáthar do dhaoine is tairbhithe ar bhonn neamhbhrabúsach. Áirítear ann freisin institiúid phoiblí nó eagraíocht neamhbhrabúis a sholáthraíonn na seirbhísí céanna do dhaoine is tairbhithe mar cheann dá príomhghníomhaíochtaí, dá hoibleagáidí institiúideacha nó mar chuid dá misin chun leas an phobail)
- Eagraíochtaí i réimse na hoidhreachta cultúrtha agus institiúidí oideachais (e.g. leabharlanna, cumainn leabharlainne, institiúidí oideachais eile)
- Eagraíochtaí ábhartha eile na sochaí sibhialta agus eintitis tráchtálaábhartha eile
Tiocfaidh deireadh leis an gcomhairliúchán an 11 Lúnasa 2023. Tá an comhairliúchán spriocdhírithe ar fáil i Suirbhé AE, i bhformáid inrochtana freisin, i dtrí theanga (Béarla, Fraincis agus Gearmáinis) ach is féidir leat freagra a thabhairt air in aon cheann de theangacha oifigiúla an Aontais Eorpaigh.
Páirt a ghlacadh sa chomhairliúchán
Tuilleadh eolais
Cur chun feidhme Chonradh Marrakech i ndlí an Aontais