©GettyImages
Ba cheart d’eagraíochtaí na gníomhaíochtaí sin a leanúint i gcomhréir le cur chuige rioscabhunaithe.
Féadfar a áireamh ar na heagraíochtaí a fhéadfaidh an Cód Iompair seo a fhormhuiniú, i measc eagraíochtaí eile, eintitis ón saol acadúil, ón tsochaí shibhialta, ón earnáil phríobháideach, agus/nó ón earnáil phoiblí a áireamh.
Déantar an liosta neamh-uileghabhálach sin de ghníomhaíochtaí a phlé agus a mhionsaothrú mar dhoiciméad beo chun tógáil ar Phrionsabail IS ECFE atá ann cheana mar fhreagairt ar na forbairtí a rinneadh le déanaí in ardchórais intleachta saorga agus tá sé ceaptha na tairbhí a bhaineann leis na teicneolaíochtaí sin a thapú agus aghaidh a thabhairt ar na rioscaí agus ar na dúshláin a bhaineann leo. Ba cheart d’eagraíochtaí na gníomhaíochtaí sin a chur i bhfeidhm maidir le gach céim den saolré chun dearadh, forbairt, imscaradh agus úsáid ardchóras intleachta saorga a chumhdach, nuair is infheidhme agus de réir mar is infheidhme.
Déanfar an doiciméad seo a athbhreithniú agus a thabhairt cothrom le dáta de réir mar is gá, lena n-áirítear trí chomhairliúcháin chuimsitheacha leanúnacha il-gheallsealbhóirí, chun a áirithiú go leanfaidh sé de bheith oiriúnach don fheidhm agus freagrúil don teicneolaíocht seo atá ag athrú go tapa.
Féadfaidh dlínsí éagsúla a gcur chuige uathúil féin a ghlacadh chun na gníomhaíochtaí sin a chur chun feidhme ar bhealaí éagsúla.