Grúpa speisialta maidir le Cód Iompair an Aontais maidir le dearadh atá oiriúnach ó thaobh aoise de

***Tá deireadh tagtha leis an obair faoin ngrúpa speisialta.***

Faoi straitéis BIK+, tá sé beartaithe leis an gcód iompair maidir le dearadh atá oiriúnach ó thaobh aoise de (CódBIK) cur leis an gcreat rialála dá bhforáiltear sa Ghníomh um Sheirbhísí Digiteacha (DSA) agus cuidiú lena chur chun feidhme, i gcomhréir le Treoir Sheirbhísí na Meán Closamhairc (AVMSD) agus an Rialachán Ginearálta maidir le Cosaint Sonraí (RGCS) de chuid an Aontais.

Go háirithe, ba é seo a leanas ról an ghrúpa: 

• acmhainní ábhartha a bhailiú (tuarascálacha, tuairimí, anailís agus doiciméid agus ábhar eile) maidir le cóid, treoirlínte, moltaí agus beartais atá ann cheana maidir le dearadh atá oiriúnach ó thaobh aoise de
• an cód a dhréachtú
• lena mbunaítear córas faireacháin don chód, lena n-áirítear KPInna agus bonnlíne

Bhí sé d’aidhm ag an gcód rannpháirtíocht an tionscail a threisiú maidir le leanaí a chosaint agus táirgí digiteacha á n-úsáid acu, agus é mar sprioc dheiridh aige a bpríobháideachas, a sábháilteacht agus a slándáil ar líne a áirithiú. 

Tugadh cuireadh don tionscal, don tsochaí shibhialta agus don saol acadúil páirt a ghlacadh sa phróiseas trí ghrúpa speisialta ad hoc. D’fhéadfaí stádas breathnóra a dheonú d’eagraíochtaí idirnáisiúnta agus d’eintitis de chuid na mBallstát, trí chuireadh díreach. I gcomhréir leis an aidhm atá ag BIK+ rannpháirtíocht na hóige a spreagadh, d’fhéadfadh leanaí agus daoine óga páirt a ghlacadh i gcruinnithe an ghrúpa trí chuireadh díreach. Bhíothas ag súil go n-oibreodh an grúpa go dtí go nglacfadh na sínitheoirí ábhartha an cód. 

Chuir an Coimisiún na hiarratasóirí ar an eolas faoin nglao ar léiriú spéise maidir le torthaí an phróisis roghnúcháin. Cuireadh liosta na gcomhaltaí ceaptha ar fáil go poiblí.    

Tionóladh an chéad chruinniú den ghrúpa an 13 Iúil 2023. Is féidir leat teacht ar an gclár oibre, ar na cuir i láthair agus ar na miontuairiscí.