Il-koordinazzjoni tar-reazzjonijiet għal inċidenti b’mod partikolari li jirriżultaw mit-tixrid ta’ kontenut illegali

Fid-dawl tal-perjodu bla preċedent ta’ kunflitt u instabbiltà li jaffettwaw lill-Unjoni, din ir-rakkomandazzjoni tistabbilixxi mekkaniżmi ta’ tħejjija, kooperazzjoni u koordinazzjoni bejn il-Kummissjoni u l-Istati Membri qabel l-applikazzjoni sħiħa tal-Att dwar is-Servizzi Diġitali fis-17 ta’ Frar 2024, fi spirtu ta’ kooperazzjoni sinċiera, biex jippermettu tranżizzjoni rapida lejn l-applikazzjoni ta’ dak ir-Regolament u biex tiġi żgurata l-effettività sħiħa tiegħu mill-bidu nett. Din ir-Rakkomandazzjoni ma għandhiex l-għan li tissostitwixxi jew tissupplimenta l-mekkaniżmi ta’ infurzar u lanqas il-qafas tal-obbligi stabbiliti fir-Regolament.