Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet hekk:
L-investiment fil-konnettività transfruntiera se jkompli jaqdi rwol ewlieni fit-trasformazzjoni tal-Ewropa u fil-kompetittività tagħha. It-titjib tan-netwerks u tal-infrastruttura se jiżgura li ċ-ċittadini u n-negozji tal-Ewropa jkunu jistgħu jaċċessaw impjiegi ġodda, jikkompetu fi swieq ġodda u jsaħħu l-operazzjonijiet tagħhom.
Thierry Breton, il-Kummissarju għas-Suq Intern, żied jgħid:
Il-konnettività sigura u rapida hija l-pilastru li fuqu se nibnu d-Deċennju Diġitali tal-Ewropa. Dan se jagħti lill-Ewropej aċċess għall-ħiliet diġitali, iħalli lin-negozji jinnovaw u jappoġġa d-disponibbiltà ta’ applikazzjonijiet mingħajr preċedent f’oqsma bħas-saħħa, l-edukazzjoni u s-servizzi pubbliċi online.
Related content
Call document | 16 Diċembru 2021
Id-Deċiżjoni ta’ finanzjament pluriennali, li tikkostitwixxi l-programm ta’ ħidma pluriennali għall-implimentazzjoni tal-Faċilità Nikkollegaw l-Ewropa — is-settur Diġitali għall-perjodu 2021–2023, ġiet adottata fis-16 ta’ Diċembru 2021. Emenda għal dan l-ewwel programm ta’ ħidma pluriennali ġiet adottata fid-19 ta’ April 2023.