European Commission
Is-sejħiet huma disponibbli għan-negozji, l-amministrazzjonijiet pubbliċi, u entitajiet oħra mill-Istati Membri tal-UE, il-pajjiżi taż-ŻEE, u l-pajjiżi assoċjati.
L-iżgurar li l-UE jkollha mill-inqas 20 miljun speċjalista tal-ICT impjegati filwaqt li jiġi promoss il-bilanċ bejn il-ġeneri f’dan il-qasam huwa kritiku għal trasformazzjoni diġitali ta’ suċċess u għalhekk objettiv ewlienital-Kumpass Diġitali tal-UE2030. EUR 42 miljun f’finanzjament se jiġu investiti fi proġetti li jikkontribwixxu biex tintlaħaq din il-mira sal-2030.
Il-finanzjament ta’ EUR30 miljun se jgħin fit-tfassil u t-twettiq ta’ programmi edukattivi fil-qasam tal-ħiliet diġitali avvanzati għall-iżviluppaturi u l-utenti ta’ teknoloġiji diġitali avvanzati. Dawn se jinħolqu minn konsorzji ta’ organizzazzjonijiet tal-edukazzjoni, tan-negozju u tar-riċerka. Barra minn hekk, azzjoni ta’ koordinazzjoni u appoġġ, b’investiment ta’ EUR2 miljun, se tgħin fl-analiżi tal-ħtiġijiet tal-ħiliet diġitali avvanzati fl-Ewropa fl-oqsma diġitali ewlenin u fis-setturi strateġiċi.
Biex jgħinu fl-indirizzar tan-nuqqas ta’ professjonisti taċ-ċibersigurtà fl-UE, qed jiġu investiti EUR10 miljun fit-tnedija tal-Akkademja tal-Ħiliet fiċ-Ċibersigurtà. Dan se jiffinanzja l-implimentazzjoni ta’ taħriġ ġdid u l-espansjoni ta’ dawk ta’ suċċess b’enfasi speċjali fuq il-ħtiġijiet tal-Intrapriżi Żgħar u ta’ Daqs Medju (SMEs) u l-amministrazzjoni pubblika.
Ser jiġi organizzat Jum ta’Informazzjoni fit-12 ta’ Diċembru 2023. Aktar informazzjoni u dettalji ta’ reġistrazzjoni jistgħu jinstabu fuqil-Pjattaforma għall-Ħiliet u l-Impjiegi Diġitali.
L-iskadenza għal din is-sejħa hija l-21 ta’ Marzu 2024. Aktar informazzjoni dwar l-applikazzjoni għal għotjiet għal dawn is-sejħiet għal proposti u s-suġġetti rilevanti hija disponibbli online.