Huma ħarġu l-istqarrija konġunta għall-istampa li ġejja wara l-laqgħa virtwali tagħhom:
Is-sħubija Diġitali l-ġdida se tgħin lill-UE u lill-Kanada jindirizzaw sfidi ġodda fit-trasformazzjoni diġitali li għandhom impatt fuq ir-riċerka, l-industrija, is-soċjetà u l-ekonomija usa’.
Għandha l-għan li tiffoka fuq iż-żieda fil-kooperazzjoni dwar l-intelliġenza artifiċjali (IA), ix-xjenza kwantistika u s-semikondutturi, il-politika pubblika relatata mal-pjattaformi online, il-konnettività internazzjonali sigura, u ċ-ċibersigurtà. Dawn il-prijoritajiet se jiġu diskussi fil-livell tal-uffiċjali permezz ta’ Djalogu Diġitali fi Frar.