Id-dikjarazzjoni, iffaċilitata mill-Kummissjoni u mill-awtoritajiet tal-Moldova, se ġġib benefiċċji kemm għaċ-ċittadini kif ukoll għan-negozji fl-Istati Membri tal-UE, fiż-Żona Ekonomika Ewropea (ŻEE) u fir-Repubblika tal-Moldova. Iċ-ċittadini li jivvjaġġaw bejn dawn il-pajjiżi dalwaqt se jgawdu minn tariffi aktar baxxi fuq is-sejħiet, id-data u t-testi tagħhom. Dawn se jkunu jistgħu jibqgħu f’kuntatt mal-ħbieb u l-familja aktar faċilment, u n-negozji se jibbenefikaw ukoll minn spejjeż imnaqqsa.