Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet:
Il-possibbiltà li jkun hemm kuntatt ma’ dawk li huma għeżież għalina u l-aċċess għall-informazzjoni hija vitali fi żminijiet ta’ kriżi. Huwa għal hekk li, flimkien mal-Parlament Ewropew, qed nappoġġaw l-inizjattivi tal-operaturi tat-telekomunikazzjoni li jiffaċilitaw konnettività mobbli affordabbli għall-persuni li ħarbu mill-gwerra. Inħeġġu wkoll miżuri aktar simili li jistgħu jagħmlu differenza reali f’dawn iċ-ċirkostanzi straordinarji.
Thierry Breton, il-Kummissarju għas-Suq Intern, qal:
F’din is-sitwazzjoni ta’ emerġenza, ħafna operaturi tat-telekomunikazzjoni wrew solidarjetà eċċezzjonali man-nies li qed jaħarbu mill-Ukrajna. Illum jagħmlu pass importanti addizzjonali. Aħna nilqgħu d-dikjarazzjoni konġunta tal-operaturi Ewropej u Ukreni li tagħmilha aktar faċli għal dawk li qed ibatu l-gwerra tal-Kremlin biex jibqgħu konnessi. Dan l-impenn se jagħmilha possibbli li l-miżuri volontarji jiġu applikati bl-aktar mod wiesa’ possibbli madwar l-Ewropa. Il-persuni spostati madwar l-Ewropa se jkunu jistgħu jċemplu d-dar, u n-nies fl-Ukrajna se jkunu jistgħu jċemplu lill-maħbubin barra minn pajjiżhom b’kundizzjonijiet affordabbli.
Related content
Policy and legislation | 08 April 2022
L-UE ffaċilitat il-koordinazzjoni bejn l-operaturi Ewropej u Ukreni li ser tistabbilizza l-isforzi tagħhom biex jipprovdu roaming u telefonati internazzjonali affordabbli jew mingħajr ħlas bejn l-UE u l-Ukrajna.