Tqajmu mistoqsijiet prattiċi dwar id-dispożizzjonijiet tad-DSA rigward l-obbligu li tiġi ppubblikata informazzjoni dwar l-għadd ta’ utenti. Din il-gwida għandha l-għan li twieġeb dawk il-mistoqsijiet.
Mill-adozzjoni u d-dħul fis-seħħ tad-DSA, għadd ta’ fornituri ta’ servizzi intermedjarji kkuntattjaw lis-servizzi tal-Kummissjoni bi tħejjija għad-dħul fis-seħħ tad-DSA.
F’dan il-kuntest, minħabba n-natura ġdida tal-obbligi stabbiliti mid-DSA, tqajmu mistoqsijiet prattiċi dwar id-dispożizzjonijiet tad-DSA rigward l-obbligu li tiġi ppubblikata informazzjoni dwar ir-riċevituri attivi medji fix-xahar tas-servizz fl-Unjoni, li hija rilevanti wkoll għad-deżinjazzjoni ta’ VLOPs u VLOSEs. Dan jikkonċerna b’mod partikolari l-Artikolu 24(2) u l-premessa 77 tad-DSA, kif ukoll l-Artikolu 3(m), (p) u (q) tad-DSA u l-Artikolu 33 tad-DSA.
F’dan l-isfond, dan id-dokument jipprovdi tweġibiet għal għadd ta’ mistoqsijiet li s-servizzi tal-Kummissjoni rċevew mill-fornituri tas-servizzi intermedjarji fid-dawl tal-iskadenza tas-17 ta’ Frar 2023, stabbilita fl-Artikolu 24(2) tad-DSA, għall-ewwel pubblikazzjoni ta’ informazzjoni dwar l-għadd ta’ riċevituri attivi medji fix-xahar tas-servizz.
Il-gwida pprovduta f’dan id-dokument hija kkompilata abbażi tal-informazzjoni disponibbli għas-servizzi tal-Kummissjoni fid-data tal-pubblikazzjoni tagħha.
Din il-gwida tista’ tkun soġġetta għal reviżjoni bbażata fuq l-esperjenza prattika miksuba fix-xhur li ġejjin.
Il-gwida hija disponibbli fil-lingwi uffiċjali kollha tal-UE.
Downloads
Ceisteanna agus Freagraí maidir le faighteoirí gníomhacha na seirbhíse a shainaithint agus a chomhaireamh faoin nGníomh um Sheirbhísí Digiteacha
Kérdések és válaszok a szolgáltatás aktív igénybe vevőinek a digitális szolgáltatások egységes piacáról szóló rendelet szerinti azonosításáról és megszámlálásáról
Questions et réponses sur l’identification et le calcul du nombre de destinataires actifs du service au titre de la législation sur les services numériques (« Digital Services Act »)
Întrebări și răspunsuri privind identificarea și numărarea destinatarilor activi ai serviciului în temeiul Actului legislativ privind serviciile digitale
Ερωτήσεις και απαντήσεις σχετικά με την ταυτοποίηση και την καταμέτρηση των ενεργών αποδεκτών της υπηρεσίας βάσει της πράξης για τις ψηφιακές υπηρεσίες