L-ittra ta’ intimazzjoni (INFR(2024)2189) intbagħtet lill-Irlanda. L-Att dwar il-Governanza tad-Data jiffaċilita l-kondiviżjoni tad-data bejn is-setturi u l-pajjiżi tal-UE għall-benefiċċju tan-nies u tal-kumpaniji. Dan iżid il-fiduċja fil-kondiviżjoni tad-data billi jistabbilixxi regoli għan-newtralità tal-intermedjarji tad-data, jistimula l-kondiviżjoni volontarja tad-data u jiffaċilita l-użu mill-ġdid ta’ ċerta data miżmuma mis-settur pubbliku. Dan ilu applikabbli mill-24 ta’ Settembru 2023. L-awtoritajiet kompetenti huma responsabbli għar-reġistrazzjoni tal-organizzazzjonijiet tal-altruwiżmu mil-lat ta' data (l-altruwiżmu mil-lat ta' data jippermetti liċ-ċittadini u lin-negozji jagħtu l-kunsens/il-permess tagħhom biex jagħmlu disponibbli d-data li jiġġeneraw għal objettivi ta' interess ġenerali, pereżempju, proġetti ta' riċerka medika) u tan-notifika tal-fornituri ta' servizzi ta' intermedjazzjoni tad-data. L-Irlanda għandha xahrejn biex twieġeb u tindirizza n-nuqqasijiet imqajma mill-Kummissjoni. Fin-nuqqas ta’ tweġiba sodisfaċenti, il-Kummissjoni tista’ tiddeċiedi li toħroġ opinjoni motivata.