Hija tħeġġeġ lill-Istati Membri, lill-awtoritajiet nazzjonali, lid-detenturi tad-drittijiet u lill-fornituri tas-servizzi intermedjarji biex jieħdu miżuri effettivi, ibbilanċjati u xierqa biex jiġġieldu t-trażmissjonijiet mill-ġdid mhux awtorizzati ta’ tali streamings, f’konformità sħiħa mad-drittijiet fundamentali u mar-regoli dwar il-protezzjoni tad-data personali. Billi tintensifika l-ġlieda kontra l-piraterija online, ir-Rakkomandazzjoni se tikkontribwixxi għat-tisħiħ tal-kompetittività tal-industriji sportivi u kreattivi tal-UE.