iStock photo Getty images plus
Dan isegwi vjaġġ eċċezzjonali ta’ sena ta’ diskussjonijiet, deliberazzjonijiet u kollaborazzjoni fost iċ-ċittadini madwar l-Ewropa dwar it-tip ta’ Ewropa li jixtiequ jgħixu fiha (aktar dettalji f’ din l-istqarrija għall-istampa)
Il-pass li jmiss se jsir fi Strasburgu fid-9 ta’ Mejju, l-anniversarju tad-Dikjarazzjoni ta’ Schuman, li stabbiliet il-pedamenti għal dik li issa hija l-Unjoni Ewropea. Minħabba l-aggressjoni militari mhux ġustifikata tar-Russja lejn l-Ukrajna, Jum l-Ewropa 2022 huwa mument saħansitra aktar importanti biex naffermaw mill-ġdid l-impenn tagħna għall-paċi, nuru l-unità u s-solidarjetà tagħna mal-Ukrajna u l-poplu Ukren u niddefendu l-valuri universali, bħal-libertà u d-demokrazija f’ordni globali bbażat fuq ir-regoli.
Hekk kif is-Sena Ewropea taż-Żgħażagħ 2022 tenfasizza ż-żgħażagħ Ewropej u l-Konferenza dwar il-Futur tal-Ewropa amplifikat il-vuċi taċ-ċittadini, dan id-9 ta’ Mejju huwa mument f’waqtu biex jiġu diskussi l-isfidi li jiffaċċjaw l-Ewropej illum.
Fi Strasburgu, fl-okkażjoni ta’ Jum l-Ewropa, wara l-aħħar plenarja li saret fi tmiem il-ġimgħa li għaddiet, rapport li jippreżenta l-eżitu tal-Konferenza se jiġi ppreżentat lill-Presidenti tal-Parlament Ewropew, tal-Kunsill u tal-Kummissjoni.
F’Jum l-Ewropa, l-istituzzjonijiet tal-UE jistiednu firxa wiesgħa ta’ attivitajiet online u fuq il-post, kemm fl-Istati Membri kif ukoll madwar id-dinja. Biex iżżur l-istituzzjonijiet, se jkun hemm is-Sibt 7 ta’ Mejju fi Brussell, it-Tnejn 9 ta’ Mejju fil-Lussemburgu u l-Ħadd 15 ta’ Mejju fi Strasburgu. Barra minn hekk, il-viżitaturi se jkunu jistgħu jagħmlu żjara virtwali fl-istituzzjonijiet tal-UE. Ittestja l-għarfien tiegħek dwar l-UE, segwi l-avvenimenti live online u skopri x’qed isir biex l-Ewropa ssir aktar sikura, aktar ekoloġika, aktar b’saħħitha u aktar diġitali għall-ġenerazzjonijiet futuri. L-informazzjoni kollha dwar Jum l-Ewropa 2022 hija disponibbli fuq pjattaforma interistituzzjonali ddedikata għal Jum l-Ewropa u fl-iskeda informattiva.
Aktar informazzjoni
Konferenza dwar il-Futur tal-Ewropa — Plenarja tal-Konferenza
49 abbozz ta’ proposti tal-Konferenza dwar il-Futur tal-Ewropa