An Afraic

Sna Treoirlínte Polaitiúla don Choimisiún Eorpach 2019-2024, d’iarr an tUachtarán Ursula von der Leyen straitéis chuimsitheach nua leis an Afraic, agus tacú leis an mór-roinn a réitigh féin ar dhúshláin áitiúla a cheapadh agus a chur chun feidhme.

Claochlú Digiteach san Afraic

Baineadh de thátal as an séú fóram gnó idir an tAontas Eorpach agus an Afraic (.pdf) a tionóladh in Abidjan i mí na Samhna 2017 gur spreag an geilleagar digiteach cruthú post cuimsitheach agus forbairt inbhuanaithe. Cuireann an geilleagar digiteach réitigh chostéifeachtacha ar fáil ar dhúshláin forbartha leanúnacha.

D’aithin na rannpháirtithe san fhóram gnó an tábhacht a bhaineann le hardán um chomhar digiteach idir an tAontas Eorpach agus an Afraic a mbeadh na geallsealbhóirí ábhartha uile rannpháirteach ann. Le hardán den sórt sin, áirithítear ionchur maidir le bearta arna gcinneadh ag gníomhaithe poiblí, éascaítear cur chun feidhme réiteach comhaontaithe, agus feabhsaítear comhar idir cinnteoirí poiblí, bainc forbartha, gnólachtaí príobháideacha agus an tsochaí shibhialta.

Tar éis an fhóraim ghnó, glacadh leis an gcomhad Digital4Development (.pdf) mar bheartas lánfheidhme de chuid an Aontais Eorpaigh atá dírithe ar:

• tacú le comhtháthú digiteach mhór-roinn na hAfraice faoi threoir an Aontais Afracaigh;
• tacú le nascacht leathanbhanda inacmhainne a chur in úsáid agus nasc díreach leis an Aontas a áirithiú trí bhonneagar cnámh droma trasteorann;
• cabhrú le comhpháirtithe na hAfraice scileanna digiteacha a thabhairt do dhaoine óga don todhchaí;
• leas a bhaint as acmhainneacht fhiontraithe digiteacha na hAfraice chun poist inbhuanaithe a chruthú;
• infheistíocht a dhéanamh in úsáid seirbhísí digiteacha amhail ríomhsheirbhísí rialtais, ríomhoideachas, ríomhshláinte, ríomhthráchtáil, ríomhchultúr nó teicneolaíocht airgeadais chun cuimsiú, éifeachtúlacht, trédhearcacht agus seirbhísí níos fearr a chruthú do shaoránaigh.

Chuige sin, thacaigh AS Connect le cruthú na Comhghuaillíochta Digití don Fhorbairt. Is grúpa il-gheallsealbhóra í an chomhghuaillíocht seo a thugann le chéile roinnt cuideachtaí Eorpacha le gníomhaireachtaí forbartha na Gearmáine, na Fraince agus na Beilge chun comhairle a chur ar an gCoimisiún Eorpach maidir le beartas digiteach. In 2020, rinneadh an iarracht sin a mhéadú go Mol Comhpháirtíochta Digití.

Tascfhórsa an Aontais Eorpaigh-AA um an nGeilleagar Digiteach

Sheol an Coimisiún Eorpach agus Coimisiún an Aontais Afracaigh Tascfhórsa Geilleagair Dhigitigh idir an tAontas Eorpach agus an tAontas Afracach i mí na Nollag 2018. Seoladh an Tascfhórsa i gcomhréir leis an gComhghuaillíocht Nua idir an tAontas Eorpach agus an Afraic um Infheistíocht agus Poist Inbhuanaithe agus mar chuid den Fhóram Ardleibhéil idir an Afraic agus an Eoraip: ‘Comhar a ghlacadh leis an ré dhigiteach’.

D’oibrigh an Tascfhórsa de réir snáitheanna nascachta, scileanna digiteacha, fiontraíochta digití agus seirbhísí digiteacha. Chuir sé a thuarascáil ina raibh moltaí nithiúla beartais i láthair ag an gComhthionól Digiteach a tionóladh i mBúcairist i mí an Mheithimh 2019.

Beidh na moltaí ón Tascfhórsa um an nGeilleagar Digiteach idir an tAontas Eorpach agus an tAontas Afracach ina threoir do thacaíocht an Aontais do chlaochlú digiteach na hAfraice i dtreo margadh aonair digiteach san Afraic a chruthú sna blianta atá le teacht.

Léirítear moltaí an Tascfhórsa i Straitéis an Aontais Afracaigh don Chlaochlú Digiteach don Afraic a d’fhormhuinigh Dearbhú Sharm El Sheik (.pdf) i mí Dheireadh Fómhair 2019. Agus na gníomhaíochtaí atá beartaithe a leagtar amach i dtuarascáil an Tascfhórsa á gcur san áireamh, rannchuideoidh an straitéis le leas a bhaint as teicneolaíochtaí digiteacha agus as an nuálaíocht chun sochaí agus geilleagar na hAfraice a athrú ó bhonn, fás eacnamaíoch cuimsitheach a ghiniúint, cruthú post a spreagadh agus an deighilt dhigiteach a bhriseadh.