Skip to main content
Lógó an Choimisiúin Eorpaigh
Shaping Europe’s digital future

An Grúpa Eorpach um Dheimhniú Cibearshlándála

Bunaíodh an Grúpa Eorpach um Dheimhniú Cibearshlándála chun cur chun feidhme agus cur i bhfeidhm comhsheasmhach an Ghnímh um Chibearshlándáil a áirithiú.

Maidir leis an nGrúpa Eorpach um Dheimhniú Cibearshlándála (ECCG)

Tá na cúraimí seo a leanas ar ECCG:

  1. comhairle agus cúnamh a thabhairt don Choimisiún ina chuid oibre chun cur chun feidhme agus cur i bhfeidhm comhsheasmhach an Ghnímh um Chibearshlándáil a áirithiú, go háirithe maidir le clár oibre rollach an Aontais, saincheisteanna beartais um dheimhniú cibearshlándála, cineálacha cur chuige beartais a chomhordú, agus scéimeanna Eorpacha um dheimhniú cibearshlándála a ullmhú;
  2. cúnamh, comhairle agus comhoibriú a thabhairt do ENISA i ndáil le scéim iarrthach a ullmhú;
  3. tuairim a ghlacadh maidir le scéimeanna iarrthacha arna n-ullmhú ag ENISA;
  4. a iarraidh ar ENISA scéimeanna iarrthacha a ullmhú;
  5. tuairimí a ghlacadh a dhíreofar chuig an gCoimisiún maidir le scéimeanna Eorpacha um dheimhniú cibearshlándála atá ann cheana a chothabháil agus a athbhreithniú;
  6. scrúdú a dhéanamh ar fhorbairtí ábhartha i réimse an deimhnithe cibearshlándála agus faisnéis agus dea-chleachtais maidir le scéimeanna um dheimhniú cibearshlándála a mhalartú;
  7. an comhar idir na húdaráis náisiúnta um dheimhniú cibearshlándála faoin nGníomh um Chibearshlándáil a éascú trí fhothú acmhainneachta agus malartú faisnéise, go háirithe trí mhodhanna a bhunú chun faisnéis a mhalartú go héifeachtúil maidir le saincheisteanna a bhaineann le deimhniú cibearshlándála;
  8. tacú le sásraí measúnaithe piaraí a chur chun feidhme i gcomhréir leis na rialacha a bhunaítear le deimhniú Eorpach i ndáil le cibearshlándáil;
  9. ailíniú scéimeanna Eorpacha um dheimhniú cibearshlándála le caighdeáin a aithnítear go hidirnáisiúnta a éascú, lena n-áirítear trí athbhreithniú a dhéanamh ar scéimeanna Eorpacha um dheimhniú cibearshlándála atá ann cheana agus, i gcás inarb iomchuí, moltaí a dhéanamh do ENISA chun dul i dteagmháil le heagraíochtaí idirnáisiúnta ábhartha um chaighdeánú chun aghaidh a thabhairt ar neamhdhóthanachtaí nó bearnaí sna caighdeáin atá ar fáil a aithnítear go hidirnáisiúnta.

Comhaltaí

Tá an ECCG comhdhéanta d’ionadaithe ó údaráis náisiúnta um dheimhniú cibearshlándála nó d’ionadaithe ó údaráis náisiúnta ábhartha eile. Féach liosta na gcomhaltaí (.pdf).

Ní féidir le comhalta den ECCG ionadaíocht a dhéanamh ar níos mó ná dhá Bhallstát. Féadfar cuireadh a thabhairt do pháirtithe leasmhara agus do thríú páirtithe ábhartha freastal ar chruinnithe ECCG agus páirt a ghlacadh ina chuid oibre.

Déanann an Coimisiún cathaoirleacht ar ECCG, le cúnamh ó ENISA. Cuireann an Coimisiún rúnaíocht an ghrúpa ar fáil freisin.

Cláir oibre chruinnithe an Ghrúpa Eorpaigh um Dheimhniú Cibearshlándála

Tagann ECCG le chéile go rialta, le linn na seisiún iomlánach de ghnáth. Is í an rúnaíocht a mholann an clár oibre agus comhaontaíonn na comhaltaí uile air. Déantar an leathanach seo a nuashonrú go rialta le cláir oibre na gcruinnithe roimhe seo.

Liosta de chláir oibre na gcruinnithe roimhe seo

 

Liosta miontuairiscí ó chruinnithe roimhe seo

An Nuacht is Déanaí

Brabhsáil Cybersecurity

Ábhar Gaolmhar

An Pictiúr Mór

Gníomh an Aontais um Chibearshlándáil

Leis an nGníomh um Chibearshlándáil, neartaítear Gníomhaireacht an Aontais Eorpaigh um Chibearshlándáil (ENISA) agus bunaítear creat um dheimhniú cibearshlándála le haghaidh táirgí agus seirbhísí.

Last update

20 Deireadh Fómhair 2025

Priontáil mar PDF