Din ir-Rakkomandazzjoni toħroġ mill-Komunikazzjoni Konġunta dwar Strateġija Ewropea ta’ Sigurtà Ekonomika li stabbiliet approċċ strateġiku komprensiv għas-sigurtà ekonomika fl-UE.
Din ir-Rakkomandazzjoni hija relatata mal-valutazzjoni ta’ wieħed minn erba’ tipi ta’ riskji f’dak l-approċċ komprensiv, jiġifieri r-riskju tat-teknoloġija u r-rilokazzjoni tat-teknoloġija. Il-valutazzjoni tar-riskju se tkun ta’ natura oġġettiva, u la r-riżultati tagħha u lanqas kwalunkwe miżura ta’ segwitu ma jistgħu jiġu antiċipati f’dan l-istadju. Fir-Rakkomandazzjoni, il-Kummissjoni tressaq lista ta’ għaxar oqsma kritiċi tat-teknoloġija.