Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet:
“L-att dwar id-Data huwa pass ewlieni ġdid fil-bini ta’ approċċ ġust u ċċentrat fuq il-bniedem għad-diġitalizzazzjoni. Se tiċċara d-drittijiet u l-obbligi tal-partijiet fit-tranżazzjonijiet tad-data u tiżgura l-ġustizzja fl-allokazzjoni tal-valur tad-data fost l-atturi tal-ekonomija tad-data.”
Il-Kummissarju għas-Suq Intern, Thierry Breton, żied:
“L-att dwar id-Data se jiftaħ partijiet kbar ta’ data industrijali u jikkontribwixxi għall-ħolqien ta’ suq uniku sovran għad-data. Id-data Ewropea, b’mod partikolari d-data industrijali, jeħtieġ li tiġi kondiviża, maħżuna u pproċessata f’konformità mar-regoli Ewropej bħall-protezzjoni tad-data, ir-rispett tal-proprjetà intellettwali u s-sigrieti kummerċjali.”
L-att dwar id-Data jsegwi u jikkomplementar-regolament dwar il-Governanza tad-Data propost f’Novembru 2020, l-ewwel riżultat skontl-istrateġija Ewropeagħad-data. Ir-rwol tar-Regolament dwar il-Governanza tad-Data huwa li jiffaċilita l-kondiviżjoni tad-data madwar l-UE u bejn is-setturi billi jżid il-fiduċja fl-intermedjarji tad-data u jsaħħaħ il-mekkaniżmi tal-kondiviżjoni tad-data madwar l-UE. Huwa jiffoka fuq il-proċessi u l-istrutturi li jiffaċilitaw il-kondiviżjoni tad-data. Flimkien ma’ dawn iż-żewġ inizjattivi komplementari, il-Kummissjoni se tkompli tiżviluppa u tiffinanzja wkoll spazji Ewropej tad-data kif imħabbar fl-istrateġija tad-data biex tiġbor id-data f’setturi strateġiċi ewlenin u f’oqsma ta’ interess pubbliku, bħas-saħħa, l-agrikoltura jew il-manifattura. Kif imħabbar, se tiġi ppreżentata proposta għalspazju tad-data dwar is-saħħaaktar tard fl-2021.
Konsultazzjoni: L-att dwar id-Data & regoli emendati dwar il-protezzjoni legali tal-bażijiet tad-data